Irakurriena
- 1. Ekoizpen linea fotovoltaiko berriak fabrikatu ditu Mondragon Assemblyk Aljeriarako
- 2. Yolanda Diaz Lan eta Gizarte Ekonomia ministroa Coprecin egon da
- 3. MSI Taldeak urteko ETE industrial onenaren saria jaso du
- 4. 20 urteko ibilbide arrakastatsua ospatu du Gerodan kooperatibak
- 5. MONDRAGONeko Pertsonen Foroa egin zen Kursaalen
- 6. LagunArok 2024 ona itxi du eta sendotasunez begiratzen die etorkizuneko erronkei
KORRIKAren olatura batu da Ikerlan
"Korri ikerlari, egin irri euskarari" lelopean batu dira Ikerlan ikerketa zentruko ikerlari eta langileak Korrikaren hogehigarren edizioaren olatura. Arrasatera apirilaren 8an iritsiko da lasterketa, baina Ikerlaneko langileek dagoeneko egin dituzte lehenengo kilometroak, Olandixoko eraikineko eskailera, korridore eta bulegoetan barrena.
Ana Gómez, Kontrola eta Monitorizazioko ikerlariaren kasua da esanguratsua. Duela urte gutxi Galiziatik etorri eta euskaraz hitz egiteko gai dela erakutsi du
Euskararen aldeko lekukoa eskuz esku igaro da, ikerlari gazte eta adinekoen artean, euskarak guztiak batzen dituela erakutsiz. Batzuk euskaldun berriak eta beste asko euskaldun zaharrak, batzuk Euskal Herrian jaiotakoak eta beste batzuk Euskal Herritik kanpo. Ana Gómez, Kontrola eta Monitorizazioko ikerlariaren kasua da esanguratsua. Duela urte gutxi Galiziatik etorri eta euskaraz hitz egiteko gai dela erakutsi du ikerlari gazteak Ikerlanek eginiko bideo dibertigarrian.
Giro ederra bideoaren grabazioan
Ikerlaneko bulego eta korridoreetan giro alaia nagusitu zen Korrikaren aldeko bideoaren grabazioan, hala, olatuak, txaloak, korrikaldiak, beroketa ariketak, txantxak eta txistuak ez ziren falta izan. Grabazioa bera, Korrikaren aldeko lehenengo ekimena izan zela esan daiteke. Azkena, berriz, apirilaren 8an egingo dute, Ikerlaneko ikerlariek Korrikaren kilometroa zeharkatzerakoan. Arrasateko kaleetan izango da hori eta Ikerlanek dei egiten die lan-bazkide guztie bertan parte hartzeko.
Argazki bilduma: Korrika Ikerlanen.