Irakurriena
- 1. Ekoizpen linea fotovoltaiko berriak fabrikatu ditu Mondragon Assemblyk Aljeriarako
- 2. Yolanda Diaz Lan eta Gizarte Ekonomia ministroa Coprecin egon da
- 3. MSI Taldeak urteko ETE industrial onenaren saria jaso du
- 4. 20 urteko ibilbide arrakastatsua ospatu du Gerodan kooperatibak
- 5. MONDRAGONeko Pertsonen Foroa egin zen Kursaalen
- 6. LagunArok 2024 ona itxi du eta sendotasunez begiratzen die etorkizuneko erronkei
Garaia Bat Gara ekimenaren lehen batzarra

Joan den asteazkenean, 2020ko urtarrilaren 29an, GARAIA BAT GARA ekimena izan zen Garaia Parke Teknologikoan. Mondragon Parke Teknologikoko enpresa komunitatea osatzen duten enpresen lehen batzar orokorra da hau.
Parke teknologikoko enpresetako 30 bat ordezkari eraikin nagusiko Udalaitz auditorioan bildu ziren, non Mikel Alvarez lehendakari eta kontseilari ordezkariak eta Idurre Albizu negozio garapeneko arduradunak egin zieten harrera.
Topaketa horren helburuak informazio erabilgarria eta beharrezkoa transferitzea da, bai eta enpresen eta pertsonen arteko interakzioa eta interkonexioa sustatzea ere, sinergiak errazteko. Sinergia horiek, bestalde, modu erraz eta hurbilean gertatu ziren.
Etorkizunerako erronka eta proiektuak
Informazio-transferentziari dagokionez, aurreko urtean abian jarritako aldaketak eta ekimenak aurkeztu dira. Parkeak urte berrian zehar jorratuko dituen erronka eta proiektu berriak ere azaldu dituzte.
Enpresen eta pertsonen arteko elkarrekintzari dagokionez, hitzorduaren amaieran networking-dinamika bat egin da, eta bertaratutako pertsona guztiek elkar ezagutzeko eta informazioa partekatzeko aukera izan dute, bai eta beharrizan potentzialak identifikatzeko, eta beren iritzia eta ikuspegia emateko ere, hastear den urteko erronkei begira.
Urte hasiera bakoitzean errepikatzeko bokazioa du ekimenak, urtarrilean, antzeko eskemarekin, eta Parke Teknologikoan dauden enpresa guztiei deialdia egiten jarraituko da.