Euskara planen erakusleihoa: ULMA Construction

ULMA Construction enkofratu, zinbria eta behin-behineko aldamio sistemen ekoizle eta hornitzaile liderra da. Goi errendimenduko sistema industrializatuak eta konfiantzazko zerbitzuak eskaintzen ditu.
Card image cap
Oñatiko Euskara Batzordeko kideak.
2020/05/06

Euskal Herrian 3 egoitza ditu: Oñatin 2 gune (Otaduikoa, egoitza nagusia eta Garibaikoa) eta Goiainen (Araba) egoitza bat. Gaur egun ULMA Constructionek 571 langile ditu: % 23 emakumeak dira eta % 77 gizonak. Eraikuntza sektoreko kooperatibak ibilbide oparoa egin du.

Duela 13 urte jarri zuten martxan euskara plana Oñatiko egoitzetan. 2016an Goiaingo egoitzan ere euskara plana inplementatzen hasi zen bezeroarenganako orientazioari heltzea helburu. Egun, euskarazko gaitasun linguistikoa %82koa da.

Euskara planaren indarguneak:

  • Langile gehienak euskara ulertzeko gai dira (%82), asko euskal hiztunak dira, eta euskara da lan-hizkuntza naturala askoren artean. Lanean hastekoak direnei ere eskatzen zaie euskaraz jakitea eta horretarako baliabideak jartzen ditu enpresak.
  • Organo gorenek euskararekiko duten konpromisoa eta inplikazioa.
  • Egitura eta baliabideak ezarri ditu; Oñatiko eta Goiaingo Euskara Batzordeaz gain lantaldeak ere martxan daude. Erakundean errotuta dago plana.
    • ULMA Taldeko gainerako kooperatibekin elkarlanean jarduten du bertako batzordeetan.
    • Sail guztietan euskara helburuak ezartzen dira.

 

ULMAko Euskara Batzordeetako kideak

Goiaingo (Araba) Euskara Batzordeko kideak.

Lorpen nagusiak:

      • Hizkuntza irizpideak erakundeko arlo gehienetan ezarrita daude.
      • Zilarrezko Bikain ziurtagiria eskuratu zuen 2014an.
      • 2016 geroztik lanpostuetan euskara eskakizunak ezartzeko proiektua martxan dago.
      • Barne komunikazioa euskara hutsez bermatzeko e-posta kanala dago.
      • 2016an Euskararen eskuliburua onartu eta aplikatzen hasi zen.
      • 2016-2018 plangintzaldian EUSLAN proiektuan parte hartu zuen eta 2017an Zilarrezko Bikain eskuratu zuen ostera ere.
      • Euskaldunen arteko ezohiko bilera eta e-postetan euskararen erabilera (leialtasuna) %80koa da.

Bizpahiru adierazle (2019):

      • Elebitasun tasa %82
      • Ahozko erabilera %45
      • Ahozko leialtasuna %65
      • Batzar Orokorreko euskararen erabilera % 47
      • Kontratazio berrietan (egiturazko lanpostuak) arauaren betetze maila %100
      • Aldi bateko kontratazioetan arauaren betetze maila %78

Egungo erronkak:

    • Euskaraz sortzeko neurriak hartu eta sustapen lana egitea.
    • Bezero euskaldunei zerbitzua euskaraz emateko bideak garatzea. 
    • Hizkuntza portaeretan eragiten jarraitzea.  
    • Hizkuntza politikako irizpideak erakundeko sisteman txertatzea, batez ere, jarraipen mekanismoak eta arduradunak ahaldunduz.
    • Software eta IKT arloko programak euskalduntzea.

Eraikuntzarako sistema industrializatuak