Irakurriena
- 1. AMETS Power Electronics sortu dute MONDRAGONek eta Artechek potentzia-elektronika sustatzeko
- 2. BGAEentzako fiskalitate berria. Nola eragingo dio zure pentsioari?
- 3. LKS Nextek Aitor Moreno batu du taldera, adimen artifizialean eta teknologia kuantikoetan erreferentea
- 4. Joxe Azurmendi hil da, “El hombre Cooperativo” lanaren egilea
- 5. Kooperatibetako barne komunikazioa irauliz
- 6. “Kooperatibismoak enpresen arazo bertsuei, soluzio desberdinak ematen dizkie, pertsona erdigunean jartzen duelako”
Eroski eta Daiteke, genero indarkeriaren biktima diren emakumeen laneratzearen alde

Eroskik eta Daiteke gizarte kontsultoriak hitzarmen bat sinatu dute genero indarkeriaren biktima izan direnei laneratzen laguntzeko. Hitzarmena izenpentzeko, bertan elkartu dira Daiteke-ko zuzendari Maite Arsuaga eta Eroskiren Berdintasun Behatokiko arduradun Marta Carazo.
Bi erakundeek sentsibilizazio sozialeko kanpainak eta mezuak zabalduko dituzte
Hitzarmenaren helburua da ahaleginak batu eta bitartekaritza sustatzea, zertarako eta Gipuzkoak kolektibo zaurgarri hori gizarteratze soziolaboralean murgiltzen laguntzeko. Era berean, bi erakundeek sentsibilizazio sozialeko kanpainak eta mezuak zabalduko dituzte.
"Beti da plazera enpresa konprometituekin aritzea, ataka zailean diren guztiei osoki gizarteratzen laguntzeko. Enpleguan dago koxketako bat pertsona horiek guztiz gizarteratzeko".
Eroski, gizarte justuago baten alde
"Eroskik gizarte bidezkoago eta solidarioago bat lortzen lagundu nahi du; konpromiso hori jasota dago gure balio korporatiboetan hastapenetatik. Hala, hitzarmen hau izenpetuta, beste pauso bat emango dugu genero indarkeriaren biktima diren emakumeei laguntzeko eta gure taldean integratzeko, ziur baikaude horrek lagunduko diela suspertzen eta etorkizuna eraikitzen", azaldu du Berdintasunerako Behatokiko arduradunak.