Elkartasun keinuak Ukrainarekin

Bucha-ko infernua gertutik, bertatik bertara, bizi izan dute Lesia Zhyvotovska eta Natalia Zhyvotovskak. Bertakoak dira, eta Natalia astebete luzez aitarekin lurpean, garaje batean, egon zen gordeta, ihes egitea lortu zuen arte. Kateryna Marchuk Ivankiv-ekoa da, Chernobyl-etik 40 kilometrora dagoen herri batekoa. Han ere gogor eragin die Errusiarren inbasioak.

Bucha-ko infernua gertutik, bertatik bertara, bizi izan dute Lesia Zhyvotovska eta Natalia Zhyvotovskak.

Kiev-ekoak dira Tetiana Skybiuk eta bere alaba txikia. Guztiak Aretxabaletan daude, Euskal Herriko beren familien etxeetan. Lasai egon arren, oso arduratuta eta bereziki triste daude ukrainarrak. Eskertuta, oso, gure herrian jaso dituzten elkartasun adierazpen guztiengatik, baina beraien herrira itzultzeko desiatzen. Ametsgaiztoa amaitzeko ametsetan. 

Lana mina arintzeko

Coprecin, Fagor Ederlanen, langile eta bazkideek erakutsitako elkartasun adirazpenak ez dira edonolakoak. Balio kooperatiboetan kooperatiboena den elkartasunak kasu honetan mugak gainditu baititu. Orain lan egitea nahi dute, ahal den neurrian, bizi, eta euren herrian gertatzen ari den sarraskiak eragiten dien mina arindu. Kateryna Mondragon Linguan ari da lanean, lau orduz, eta gainerakoak lan bila dabiltzate. 

GSRko zenbait langile ere ari dira mugitzen eta elkartasuna aktibatzen, hala, lana eskaintzeko aukerak eta hizkuntzara (gaztelaniara) gerturatzeko bideak aktibatu guran dabiltza.