"Bidegorriak euskararentzat" egitasmoa ULMAn

"Bidegorriak euskararentzat" ULMA Fundazioak eta ULMAko Euskara Motibazio Taldeak 2016rako antolatu duten ekintza soziokulturala da. Helburua da ULMAk euskararekin daukan konpromisoa langileen artean sozializatzea, eta ondoren konpromiso hori gizarteratu eta Oñatiko herriarekin konpartitzea.
2016/04/06

"Bidegorriak euskararentzat" esanez, aldarrikatu nahi dugu euskarak bidegorriak behar dituela, bertako hizkuntzak arnasa hartzeko guneak, eta ULMAk ere bere ekarpena egin nahi duela lan-arloan euskarari bidegorriak eskainiz, lanean euskara gero eta gehiago erabiliz. ULMA ere ekosistema horren parte baita.

Aldarrikapen hori irudikatzeko, irailaren 23an, ULMA Taldeko negozio guztietako langile eta bazkideak lanetik atera eta bidegorrian zehar joango gara jai giroan eta denok elkarrekin Oñatiko plazaraino, eta bertan, ULMAn urtean zehar hartutako euskararekiko konpromisoen berri emango dute muralen eta beste jarduera batzuen bidez. Azkenik, Kalakan musika taldearen kontzertuarekin emango diote amaiera jaiari.

Horretaz gain, urte osoan zehar beste hainbat ekintza antolatutako ditugu. Hau da urte osoko egitaraua:

1. Martxoan, apirilean eta maiatzean:

  • Hizkuntza ekologiaren dekalogoa ezagutzera emango dute ULMAn.
  • Hizkuntzen inguruko galdera-erantzunen lehiaketa antolatuko dute ULMAko langileen artean.

 

2. Ekaina eta uztaila:

  • Portaera linguistikoen inguruan hausnartuko dute.
  • ULMAko langileen euskararekiko konpromisoak jaso eta mural batean irudikatuko da.
  • Oñatiko ikastetxeetako ume eta gaztetxoekin gaia landuko dute.

 

3. Irailaren 23an:

  • Bidegorriak euskararentzat: negozioetatik Oñatiko plazara, bidegorrian zehar.
  • Ospakizun ekitaldia, Oñatiko plazan: ekitaldi publikoa, trikitilariak, slack-line jokoa, muralak…
  • Kalakan musika taldearen kontzertua.

 

Informazioa (iturria):

http://begira.ulma.com/eu/aktualitatea/abian-da-bidegorriak-euskararentzat-egitasmoa-ulman

Negutegien fabrikazioa

Orga jasotzaileak

Eraikuntzarako sistema industrializatuak

Zamak garraiatzeko osagaiak

Integratutako sistemetarako ingeniaritza zerbitzuak

logistika irtenbide integralak

Hormigoi polimerozko pieza aurrefabrikatuen fabrikazioa

Zama garraiatzeko eta manipulatzeko irtenbideak

Ontziratze eta enbalatze sistemak

bridak eta fittings.

Altzairu herdoilgaitzezko osagai eta doitasun sistemen garapena eta fabrikazioa