Zentro teknologikoa, Elikagaien Teknologian eta Polimeroetan espezializatua.
Mondragon Unibertsitateko Zientzia Gastronomikoen fakultatea
Irakurriena
- 1. MONDRAGONek bere urteroko Kongresua egin du Bilbon
- 2. “Abentura zirraragarria izan da”
- 3. Hirekin industria jasangarriko zentro berritzailea inauguratu du Mondragon Unibertsitateak
- 4. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 5. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 6. “Definitu dugu zer ekarpen egin nahi diogun gizarte honi gure ikasleen bitartez”
- 7. Imanol Oleaga Mendiaratz, Domusa Teknikeko zuzendari nagusi berria
- 8. Orkli Biotz enpresan sartu da % 11,11ko parte-hartzearekin
- 9. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 10. Dikarrek bere ekoizpen planta modernoa inauguratu du Arrasaten, etapa berri bati ekiteko
Basque Culinary Centerrek eta Leartikerrek lankidetza-hitzarmena sinatu dute
![Card image cap](https://www.tulankide.com/eu/basque-culinary-centerrek-eta-leartikerrek-lankidetza-hitzarmena-sinatu-dute-gastronomia-zientzietako-doktoretza-programarako/@@images/cbe398a9-1031-46ab-96b0-029a4aa737a2.png)
Lankidetza-hitzarmenari esker, bi erakundeetako ikertzaileek doktore-tesiak egin ditzakete Basque Culinary Centerreko Gastronomia Zientzietako doktoretza-programaren barruan. Gainera, hitzarmenaren bidez, ikerketa-proiektuak garatzen dituzten doktore-tesietako batzuen zuzendaritza Leartikerren eta BCC Innovationen arteko lankidetzaren bidez egin ahal izango da.
Alex Beitia Basque Culinary Centerreko zuzendari akademikoaren hitzetan, “Oso pozik eta ilusioz beterik gaude hitzarmen hori sinatzeagatik. Gure ustez, Leartikerrekin lankidetza oso emankorra izango da, eta ikertzaileen arteko lotura estua eta harreman ona ekarriko ditu, jakintza-arlo komunetan —hala nola zientzia gastronomikoetan eta elikagaien zientzian eta teknologian—ikerketan sakontzeko. Leartiker erreferentzia-zentroa da esparru horretan, eta esperientzia handia du I+G+Bren munduan”.
Jon Anakabe Leartikerreko zuzendariaren arabera, “guk egiten dugun I+Ga produktu berriak ekoizteko eta garatzeko prozesuetan oinarritzen da, elikagaien zientziaren eta teknologiaren esparruan. Hitzarmen honi esker, beste urrats bat eman ahal izango dugu, eta gastronomiaren ikuspegitik balioa integratuko dugu gure ikerketa-lerroetan. Ez zaigu Basque Culinary Center baino bidelagun hoberik bururatzen helburu horretarako. Proposatzen duten doktorego-programa oso egokia da Leartiker-eko ikertzaileen garapenerako”.
BCC doktoretza-programa
Basque Culinary Centerreko doktoretza-programak gastronomia-zientzien arloko etorkizuneko ikertzaileak prestatzen ditu, goi-mailako sukaldaritzako eta enpresa-sektoreetako profesionalen ezagutza bateratuz, hainbat esparruren garapena bultzatzeko: elikaduraren teknologia, nutrizioa, elikadura funtzionala, nekazaritzako elikagaien ekipamendua. Programa aitzindaria da nazioartean.
Basque Culinary Centerrek, Mondragon Unibertsitateari atxikitako Zientzia Gastronomikoen Fakultateak, gastronomiaren sektorea profesionalizatu nahi du, haren alderdi guztiei balioa emanez. Doktoretzak gastronomia-zientzien arloan sakontzeko aukera ematen du, eta, horretarako, elikadura-zientzien arloan edo kudeaketa, gizarte eta kulturaren arloan espezializatu daiteke.