Irakurriena
- 1. Cikautxo eta Fagor Ederlan, klima-kudeaketan munduko enpresa liderren artean
- 2. Kooperatibetan berrikuntza indartuko du MONDRAGONek Zorrozaurreko proiektuarekin
- 3. "Euskaldunei buruzko topikoak ezagutzen nituen, baina niretzat oso gertuko jendea zarete"
- 4. Orbik Cybersecurity, kooperatiba mistoa bihurtu den lehen start-up teknologikoa
- 5. Euskararekin duen konpromisoa berretsi du Kidek plan estrategiko berriarekin
- 6. Ondoan eta LKS Next enpresek Legoan garatu dute, Adimen Artifizial Sortzailea arauen zaintzaren zerbitzura bideratuz
Arizmendi Ikastolako zuzendariak hitzaldiak eskainiko ditu Leintz ibarreko hiru herritan asteon

Ikastola gaur, zergatik? galderari erantzuten saiatuko da Arizmendi Ikastolako zuzendaria bihartik aurrera Leintz ibarreko hiru herritan eskainiko dituen hitzaldietan. Lehenengoa Eskoriatzako Ibarraundi museoan izango da, bihar bertan, hilak 20. Asteazkenean, Arrasaten egingo du, Kulturaten; bi horietan bina hitzaldi egingo ditu, euskaraz lehenengoa (18:00etan) eta gaztelaniaz ondorengoa (19:15ean). Hirugarrena Aretxabaletako Basabeazpi gunean izango da hitzordu bakarrarekin, 18:00ak (elebidunez).
Ikastola: nor gara eta nora joan nahi dugu?
Hiru ardatz
Hiru ardatzetan oinarrituko du bere jarduna: identitatea, hau da, zer den ikastola; bigarren ardatza ikastolaren xedea izango da, hots, nora joan nahi duen eta azkenik azalduko du nola jarduten den ikastola, "nor garen eta nora joan nahi dugun horiekin koherentziaz jokatzeko", adierazi digu Etxezarretak. Hiru saioetan sarrera librea izango da.