TUlankide MONDRAGON

AMS elkartearen elkartasun proiektuekin bat egin du Mondragon Unibertsitateak

2019/01/31

Mondragon Goi Eskola Politeknikoaren 75. urteurrenaren harira ospatutako ikuskizuneko sarreren salmentan lortutako dirua AMS Mundu Solidarioa Gobernuz Kanpoko Erakundeari ematea erabaki du Mondragon Unibertsitateko Goi Eskola Politeknikoko kontseilu sozialak.
AMS elkartearen elkartasun proiektuekin bat egin du Mondragon Unibertsitateak

Joan den 2018. urtean ospatu zen Mondragon Goi Eskola Politeknikoaren 75. urteurrena, eta urte osoan zehar hainbat ekintza ezberdin antolatu ziren ospakizunaren harira. Urriaren 19an Korrontzi musika taldearen eskutik Arrasateko Amaia Antzokian eskainitako Korrontzi Dantzan ikuskizuna izan zen programako azken ekitaldia. Sarreren salmentaren bidez bildutako 819,26 €ak Arrasateko Mundu Solidarioa (AMS) Gobernuz Kanpoko Erakundeari ematea erabaki da.

Korrontziko donazioaren albisterako argazkia

AMS elkarteko partaideek justizian, solidaritatean eta bakean sinesten dute. Egoitza nagusia Arrasaten du, sentsibilizazio eta kontzientziazio lana Debagoienan egiten dute, eta garapeneko proiektuak Nikaraguan sustatzen dituzte.

AMS erakundeak Nikaraguan sustatzen ditu garapenerako proiektuak 

Nikaraguako proiektuko lan ildo nagusiak: “Desgaitasuna duten gazteen lanerako eta gizarterako prestakuntza” proiektua eta “Balioak garatzen, formakuntza sustatzen” gazteentzat beka proiektua dira, Diriamba udalerriko eta bere biztanleen giza-garapenean eta bilakaera sozialean eragiteko helburua dutelarik.

Aipatzekoa da Mondragon Goi Eskola Politeknikoko hainbat langile ere elkartean aritzen direla boluntario lanetan, besteak beste Jose Manuel Corcuera eta Leire Etxeberria.

Eguraldia
Astelehena 20 Min: 6
Max: 17
Asteartea 21 Min: 8
Max: 20
Asteazkena 22 Min: 6
Max: 25
Bideoak


+ Bideo gehiago

Papereko edizioa
Jarraitu twitterren
LagunAro

Iradokizunak

iradokizunak