Berogailu, osasun ur bero, ura berotzeko eta etxetresna elektrikoetarako osagaiak
Etxetresnak elektrikoen salmenta osteko zerbitzua
Irakurriena
- 1. Danobatek AEBetako trenbide-merkatuan duen posizioa indartu du Delta Wheel Truing Solutionsen erosketa estrategikoarekin
- 2. Duinduz proiektua: etxez etxeko zainketen lan-baldintzak hobetzeko
- 3. Mikel Mujika Estensoro, Orkliko Konfort eta Osasun negozioaren zuzendari berria
- 4. “Eskerrak eman nahi dizkiegu proiektua posible egiten duten guzti guztiei"
- 5. Adolfo Plaza: «Gure entitatearen asmoa da gizartearentzako aurrerapen bateratua lortzea, inor atzean utzi gabe»
- 6. Danobatek 20 milioi euro inbertitu ditu Elgoibarko egoitzan berrian
- 7. LABORAL Kutxa Frantziako Tourrean izango da
- 8. Gipuzkoako Bazkundeak saria eman dio MLAKoop kooperatibari
- 9. Arkaitz Etxezarreta, Errekako zuzendari nagusi berria
- 10. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
Orkli eta Sareteknika, eskutik
Orklik eta Sareteknikak kolaborazio akordioaren berri eman dute. Biek ala biek sinatutako itunarekin, Orklik Konfort & Osasun negozioan eskaintzen duen saldu osteko zerbitzua hobetzea da helburua. Hala, salmenta osteko kudeaketari lehentasuna eman nahi diote, hobetuz eta optimizatuz, bezeroei esperientzia bikaina eta euskarri egokiena eskaintzeko. Azken finean, Orklik nahi duena da salmenta osteko zerbitzua hobetu, efizientzia energetikoa eta osasuna interkonektatuta dauden ekosisteman bereziki.
Orklik 1.000 langile baino gehiago ditu Ordizia, Txina eta Brasildo lantokietan, eta beste bi enpresatan %50eko parte-hartzea du (Valmex eta Giordano). Bere produkzioaren %80, 50 herrialdetara esportatzen du
Eta Sareteknikarentzat ere pauso garrantzitsua da, izan ere, bere zerbitzuen zabalkundean eta aktibitateen dibertsifikazioan konfort eta etxeko energia berriztagarrien arloan aritzeko aukera izango du. Akordioa Roberto Corerak, Sareteknikako zuzendari orokorrak, eta Beñat Zudairek, Orkliko Konfort & Osasun Negozioko zuzendariak, sinatu zuten.
Batzuk zein besteak oso pozik agertu dira sinatutako akordioarekin, eta ziur daude bientzat oso esperientzia aberasgarria izango dela.
Orkliri buruz: 1974an sortu zen eta erreferentea da Konfort eta etxe jasangarrien zein osasunaren arloetan. Era berean, gas-segurtasun arloan ere liderra da munduan eta soluzioak eskaintzen ditu konbustio eta OEM hidraulika sektoreetan. Orklik 1.000 langile baino gehiago ditu Ordizia, Txina eta Brasildo lantokietan, eta beste bi enpresatan %50eko parte-hartzea du (Valmex eta Giordano). Bere produkzioaren %80, 50 herrialdetara esportatzen du.
Sareteknikari buruz: Sareteknika zabalkunde prozesuan dagoen enpresa da, saldu osteko zerbitzuetan burubelarri diharduena, bereziki etxetresna elektrikoen, berogailuen eta klimatizazioaren arloetan. Dibertsifikazio teknologikoaren bidetik, efizientzia energetikoa, energia berriztagarriak eta ekonomia zirkularra ere, bere estrategiaren parte dira.