2017-10-18T11:05:22+02:00

Tresna pertsonalak

TUlankide MONDRAGON

Microsoft teknologien ekosistema aurkeztu da Informatika Ingeniaritza Graduan

2013/11/14

Microsoft teknologiak lantzen dituen ETIC enpresako adituak izan genituen Mondragon Goi Eskola Politeknikoan Informatika Ingeniaritzako Graduko ikasleei hitzaldia eskaintzen.
Microsoft teknologien ekosistema aurkeztu da Informatika Ingeniaritza Graduan

Lehenengo atal batean ETIC-eko profesionalak Microsoft teknologiarekin sortzen dituzten soluzio ekosistema ezagutzera eman zuten. Horretarako hainbat proiektu aurkeztu zituzten, hala nola:

  • Geolokalizazioa eta errealitate areagotua erabiliaz ibilbideak egiteko Windows Phone mugikorretan oinarritutako soluzioa
  • Windows 8 tableta, zein ordenagailuetarako soluzioak
  • Cloud edo “lainoan” oinarritutako soluzioak
  • Kinect soluzioan oinarritutako Athletik zaleentzako jokoa edo arropa birtualki frogatzeko soluzioa.
  • Bilboko turismo bulegorako garatutako mahai adimendu baten proiektua azaldu zenPixelSense teknologietan oirritutakoa.

Bigarren atal batean, Microsoft plataforma bateratuak osatzen duten teknologiak ezagutzera eman zuten. Redmon-eko enpresak egun gailu eta zerbitzuetan funtsatzen du bere negozioa, horrela, Telefono mugikorrak, tableta zein ordenagailuak, cloud zerbitzuak, Xbox kontsola eta Kinect sentsorea dira teknologia ardatzak. Guzti hauek ezagutzera emateko hainbat bideo eta adibide erakutsi zituzten.

Azken atal batean, informatika ikasleei zuzendutako baliabide eta laguntza bilduma bat ere aurkeztu zituzten, hala nola, Dreamspark programa, Microsoft Virtual Academy ,Codeplex eta Channel9. Hauekin batera ikasleei bideratutako lehiaketak aurkeztu zituzten ImagineCup eta OlimpiadAPPS.


Bideoak


+ Bideo gehiago

Papereko edizioa
Jarraitu twitterren
LagunAro

Bazkideentzat promozioak

fagor-promo

Iradokizunak

iradokizunak