Industria
Fagor Etxetresna Elektrikoak Taldeak bere 2013ko gestio plana onartu du
Gestio plana honek salmenten egonkortasuna bermatzen du atzeraldian diren merkatuetan eta konpainiaren hazkundea bultzatzen du nazioarteko merkatu estrategikoetan. Era berean, Batzar Orokorretan Xabier Bengoetxea Fagor Etxetresna Elektrikoak, Koop. Elkarteko Kontseilu Errektorearen presidente berriaren izendapena ere onartu da, Kontseilu Errektorearen berritze partzialarekin batera.
Fagor Arrasatek eta Onapres-ek bat egin dute
Fagor Arrasate Koop. E.-ak. eta Onapres Koop.E.-ak, biak ere MONDRAGON Korporaziokoak, bere aktibitateak bat-egitea onartu dute. Horrela, mundu mailan txapa metalikoa prozesatzeko eta egokitzeko soluzioen katalogorik handiena duen enpresa sortu da. Epe formalak bete ondoren, Fagor Arrasatek xurgatuko du Onapres Koop. E. eta deformazio bidezko makina erreminta ekoizlerik handiena bihurtuko da, ia zortziehun langilerekin, herrialde desberdinetan 7 lantegi dituena eta kontsolidatutako 300 milioi euroko fakturazioa duena. Honegatik guztiagatik Europa mailan handiena izango litzateke edozein makina erramintako ekoizlerekin konparatuta eta estanpazioan bigarren handiena.
Batz kooperatibak 50 urteko historia gogoratu du
Gaur goizean, maiatzak 10, Batz kooperatibak ekitaldi berezia ospatu du Igorreko plantan. Omenaldi berezia egin zaie kooperatibako sortzaileei eta beraien omenez monolitoa inauguratu da. Horretaz gain, ekitaldi instituzionalean kooperatibako ordezkariak, MONDRAGON Taldekoak eta Foru Aldundikoak hartu dute parte. Bihar, maiatzak 11, berriz, ate irekiko jardunaldia egingo dute, langileei eta beraien familiartekoei zuzenduta.
"Gipuzkoako Merkataritza-Ganberak emandako sariak gure dibertsifikazio estrategia sendotzen du"
Arkaitz Mardarasek (Mondragon Assemblyko presidentea) jaso du gaur saria Donostian, Gipuzkoako Merkataritza-Ganberan izandako ekitaldian. Mondragon Assemblyren izenean Aretxabaletako kooperatibaren ordezkaritza zabala ordezkatu du Mardarasek. Bertan izan baitira, besteak beste, presidentea, zuzendari nagusia, Errektore Kontseiluko hiru kide, Kontseilu Sozialeko beste bat... "Gure kolektiboa ederto ordezkatuta egon da gaurko ekitaldian".
ULMA Taldeak ULMAPLUS programa jarri du abian, bazkide eta langile guztientzako onura sozialak dituen programa
Bazkide eta langile guztiei eskaintzen zaizkien produktuetatik, bakoitzari gehien interesatzen zaizkionak borondatez hautatzeko aukera ematen du ULMAPLUSek.
"Familia bat osatzen genuen, eta orain ere horrela izan beharko litzateke"
Bizitzan badira uneak iraganera begiratzeko eta egindako lana patxadaz aztertzeko. Oroitzapenen ganbara astindu eta sentimenduak azaleratzeko momentuak. Bizitako une gozo zein gaziak gogora ekartzekoak. Fagor Ederlanek 50 urte beteko ditu aurten eta dagoeneko, urteurreneko ospakizunekin dihardute. TU lankidek, lau lan-bazkide historikorekin hitz egiteko aukera izan du. Mahaiaren bueltan elkartu ditugu, ardoa, txorizoa eta gazta lagun, eta oroitzapenen kaxa irekitzeko eskatu diegu. Gurekin izan dira, Higinio Etxabe (fundatzailea), Leandro Hernandez (fundatzailea), Sotero Olabe eta Roberto Kortazar.
DANOBATGROUP Txinan ospatzen den CIMT 2013 erakusketan parte hartzen ari da.
DANOBATGROUPek azken aurrerapen eta teknologiak jarri ditu ikusgai Txinako CIMT 2013 nazioarteko makina erreminta erakusketaren 12. edizioan. Apirilaren 22tik 27ra bitartean Beijing-en ospatzen ari da.
ORONAk 569,1 milioi euroko negozio-zifrarekin itxi du 2012, eta Brasilgo AMG Elevadores taldea erosi du, nazioartekotzeko duen asmo irmoaren erakusgarri
2012ko ekitaldian, ORONAk 83,4 milioi euroko irabaziak izan ditu, eta 569,1 milioi euroko negozio-zifra lortu du, iaz baino % 2,3 gehiago. Ekitaldiko itxiera-datuekin batera, Brasilgo AMG Elevadores taldearen erosketaren berri eman da. Talde hori igogailuen sektoreko Brasilgo 4. enpresa-taldea da, eta, horrenbestez, hura erostearekin urrats garrantzitsua egin du Oronak nazioartekotzeko helburuari dagokionez, hori baitzen xede estrategikoetako bat.
Fagor Ederlanek eta Astéria Performancek hitzarmena izenpetu dute Europako merkatuan freno pneumatikoen belaunaldi berria plazaratzeko
Fagor Ederlanen eta Astériaren arteko hitzarmena negozio berri baten oinarria da, kamioietarako balazta soluzio aurreratuak fabrikatzeko eta hornitzeko. Akordioak Fagor Ederlani jarduera berri bati ekiteko aukera emango dio, kanadar enpresaren babesarekin, balazta sistema aurreratu bat fabrikatzeko eta hornitzeko, Europan, ibilgailu industrialen aplikazioetarako.
Lehendakariak eta MONDRAGON Korporazioak bat egin dute Coprecirekin, 50. urteurrenean
MONDRAGON Korporazioko Osagaien Dibisioan integratuta dagoen Copreci kooperatibak gaur ospatu du eratu zenetik 50. urteurrena ospatzeko ekitaldi nagusia. Ekitaldian parte hartu dute Iñigo Urkullu Lehendakariak, Eusko Jaurlaritzako Industria eta Energia sailburuordeak eta MONDRAGONeko Kontseilu Orokorreko lehendakariak, besteak beste.
