2017-12-11T15:53:04+01:00

Tresna pertsonalak

TUlankide MONDRAGON

KIMU BERRI proiektu berritzaileen bosgarren edizioaren erakusketa asteon irekiko da

2014/09/16

Bosgarren urtez jarraian, unibertsitate garaian dauden gazteen proiektu ekintzaileak ezagutzera emateko erakusketa ibiltaria antolatu du KIMU BERRIk. Egitasmoaren helburua da Debagoieneko gazteen artean ekintzailetasuna sustatzea.
KIMU BERRI proiektu berritzaileen bosgarren edizioaren erakusketa asteon irekiko da

Ostegun honetan, irailak 18, hasiko dira KIMU BERRIren bosgarren edizioaren ekintzak. Hain justu ere, egun horretan irekiko da proiektu berritzaileen erakusketa Arrasateko Kulturaten. Autoritateen ongietorriaren ondoren, MUko ikasleek euren proiektuak aurkeztuko dituzte. Erakusketa irailaren 20ra arte egongo da zabalik Arrasaten eta ondoren Oñatira joango da, Mondragon Unibertsitateko Enpresagintzako Campusera. Bertan, erakusketa bisitatzeko aukera izango da irailaren 22tik aurrera.

80 proiektu inguru

Aurten, KIMU BERRIren baitan, 80 proiektu inguru garatu dituzte MUko ikasleek, batez ere Enpresagintzakoek eta Goi Eskola Politeknikokoek. Proiektu horiek guztiak horma-irudien, maketen eta erakusketa informatikoen bitartez erakutsiko dituzte ikasleek. Era berean, Ikus-entzunezko komunikazioa graduko ikasleek eginiko bideo musikalak, iragarkiak eta animazioak ikusteko aukera ere izango da.

Elkarlan publikoa

KIMU BERRIk elkarlan publikoan du oinarria, alegia, Debagoieneko zenbait 'aktorek' sustatutako kolaborazioan. Besteak beste, Debagoieneko Garapen Agentziak, ISEA Koop. Elkarteak, Mondragon Unibertsitateak, Athlon Koop. Elkarteak eta Saiolan-ek bultzatzen dute.


Bideoak


+ Bideo gehiago

Papereko edizioa
Jarraitu twitterren
LagunAro

Iradokizunak

iradokizunak