Irakurriena
- 1. Danobatek 20 milioi euro inbertitu ditu Elgoibarko egoitzan berrian
- 2. LABORAL Kutxa Frantziako Tourrean izango da
- 3. Gipuzkoako Bazkundeak saria eman dio MLAKoop kooperatibari
- 4. Arkaitz Etxezarreta, Errekako zuzendari nagusi berria
- 5. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 6. Espainiako Bankuko gobernadoreak MONDRAGON bisitatu du
- 7. Errekak Darwin Biomed startuparekin bat egin du, Health linea bultzatzeko helburuarekin
- 8. Ingeniaritza eta Zerbitzuen Dibisioa Advanced Factories-en egongo da
- 9. Arizmendi ikastola, 20 urte
- 10. Parte-hartze handia LagunAro BGAEren 2024ko ohiko batzarrean
"Ikus-entzunezko Komunikazioa ikasi dut. Eta orain zer?" aztergai aurtengo Komunikaldiak saioan
Ikus-entzunezko Komunikazioko ikasleak eta ikasle ohiak izango dira protagonistak aurtengo Komunikaldiak jardunaldian. Izan ere, Humanitate eta Hezkuntza Zientzien Fakultateko Komunikazioa departamentuak antolatzen dituen ekitaldiak "Ikus-entzunezko Komunikazioa ikasi dut. Eta orain zer?" gaia jorratuko du bederatzigarren edizio honetan. Jardunaldia otsailaren 26an egingo da Arrasateko Garaia berrikuntza gunean.
Aditu eta Ikus-entzuneko Komunikazioko ikasle ohien esperientzietatik abiatuta, jardunaldiaren asmoa hauxe izango da: ikasle eta parte hartzaileen artean etorkitzuneko lan aukeren gaineko informazioa zabaltzea. Bide batez, bertatik bertara ezagutuko dira antzeko ikasketak egin dituzten gazteek abian jarritako ekintzailetasun eta bestelako lan-esperientziak.
Aurreko edizioetan bezala, oraingo jardunaldian ere sarrera doan izango da, baina, aldez aurretik izena eman beharko da telefonoz edo emailez:
- 943 71 41 88 (5122)
- harrera.huhezi@mondragon.edu
Egitaraua
09:00. Aurkezpena eta ongietorria. Iosu Zabala, MUko Errektorea.
09:15. Hitzaldia. Mikel Orobengoa: ekintzailetasunaren garrantzia.
9:30. Amaia Elu, Hirudart 3D diseinu-estudioa eta Euskal Valley sareko partaide.
10:00. Rubén Mateo, Beniwood ekoiztetxeko ordezkaria.
10:30. Atsedena
11:00. Oihane Beñaran, Bolivian, Nazio Batuen Erakundean komunikazio teknikaria.
11:30. Ane Irazabal, Freelance kazetaria Ekialde Hurbilean.
12:00. Atsedena
12:15. Hitzaldia. Aiala Fernandez: Digitalizazioaren eragina kultura-industrietan, Europako panorama.
13:00. Mahai-ingurua goizeko hizlariekin. Ikasketak amaitu eta lan munduan murgiltzea. Moderatzailea: Odei Esnaola, MUko Ikus-Entzunezko Komunikazioko ikaslea.