Irakurriena
- 1. Niche Mobilityk 1,6 milioi euroko inbertsio erronda itxi du Copreci eta MONDRAGONekin
- 2. Auzitegi Gorenak ere atzera bota du Fagor Etxetresnakeko eta Edesako bazkide talde batek MONDRAGONen aurka jarritako erreklamazioa
- 3. MONDRAGONen Komunikazio Foroaren 7. edizioa, maiatzaren 8an Huhezin
- 4. Ekoizpen linea fotovoltaiko berriak fabrikatu ditu Mondragon Assemblyk Aljeriarako
- 5. Yolanda Diaz Lan eta Gizarte Ekonomia ministroa Coprecin egon da
- 6. MSI Taldeak urteko ETE industrial onenaren saria jaso du
Urssa negozioari eusteko ahaleginetan

Urssa kooperatibako Kontseilu Errektoreak konpainiaren jarraipena babesteko eta lanpostuak mantentzeko hartu du neurria. Urssaren merkatu nagusia den estatuko eraikuntzaren eta azpiegituren sektorearen krisiaren luzapenak urteetan eragindako zailtasunen ondoren, iaz, jada, hartzekodunen aurre-konkurtsoa deklaratu zen, kooperatibaren jarduerari eusteko asmoz, eta zenbait banketxerekin, azkenean, birfinantzatzea lortu zen.
Hala ere, hainbat faktorek eranginda negozioak azken hilabeteetan izandako bilakaerak ez du aurreko narriadura gainditzea ahalbidetu, eta azkenean konkurtsoa eskatzea ekarri du, ezinezkoa baitzitzaion konpromisoei aurre egitea. Izan ere, estatuko merkatuaren bilakaera negatiboari pandemiak eragindako nazioarteko ziurgabetasuna gehitu zaio, zeinek ekipamendu berrietan inbertsio publikoak eta pribatuak murriztea ekarri duen.
Urssak ahalegin guztiak egingo ditu bere jarduerari eusteko eta enpresa proiektua egungo egoerara egokitzen jarraitzeko.
Hemendik aurrera, Urssak ahalegin guztiak egingo ditu bere jarduerari eusteko eta enpresa proiektua egungo egoerara egokitzen jarraitzeko. Eta horretarako beharrezkoa izango da hartzekodunekin zorra berregituratzeko akordioak lortzea eta bezeroen konfiantza izaten jarraitzea proiektu berriak erakartzeko.
Enplegua
Urssa enpresak 100 pertsona inguru enplegatzen ditu gaur egun, batzuk dagoeneko MONDRAGONen beste kooperatiba batzuetan birkokatu ondoren. Beste behin ere, Korporazioak, kooperatibarekin berarekin, Eraikuntza Dibisioarekin eta LagunArorekin lankidetzan, beharrezko elkartasun mekanismo guztiak jarri ditu martxan (birkokapenak, aurre-erretiroak, etab.), jarduera berregituratzeak enpleguan izan dezakeen eragina minimizatzeko.