OSALANek Lea Artibai Ikastetxeak prebentzioaren alde eginiko lana goraipatu du

OSALANek (Lan Segurtasun eta Osasunaren Euskal Erakundea) pasa den ostiralean, maiatzak 9, Lea Artibai Ikastetxeak prestatutako lan segurtasun eta osasunaren gaineko erakusketa iraunkorraren aurkezpenean parte hartu zuen. OSALANeko Zuzendari Nagusiak, Izaskun Urien Azpitartek, hezkuntza zentroak etorkizuneko profesionalak hezitzeko orduan, prebentzioarekin duen konpromisoa eta honi lotuta garatutako lana goraipatu du.
Card image cap
Inaugurazio ekitaldian OSALANeko ordezkariak eta Lea Artibai ikastetxekoak egon ziren.
2014/05/12

Lea Artibai Ikastetxeak 2007tik OSALANekin kolaboratzen du, hezkuntza bultzatzeko eta gizartearen gune guztietan lan osasunaren mezua zabaltzeari laguntzeko. Belaunaldi berriei prebentzioaren mezua helarazteko Lea Artibai Ikastetxeak, OSALANen babesarekin, aurrera eraman duen dibulgaziozko lan didaktikoa zentroak aurkeztu duen erakusketa iraunkorrean geratu da isladatuta.

Helburua, lan arriskuen prebentzioan gaztetxoak hezitzeko baliogarria den material didaktiko zabala garatzea da.

Inaugurazio ekitaldian, OSALANeko Izaskun Urien Azpitarte, zuzendari nagusiak aipatu zuen, "prebentzio hezkuntza sustatzeko gure esku dauden tresnak eskeintzea da gure funtzioa, ezagutza lan segurtasunaren funtsezko oinarria baita. OSALANen prestakuntza prebentiboa funtsezkoa dela uste dugu, seguritate eta osasun egoera hobeagoak lortzeko eta lan ezbeharren kontra egiteko ezinbestekoa. Prebentzioko prestakuntza eraginkorra eskeintzeko guztion inplikazioa eta kolaborazioa beharrezkoa da, baita hezkuntza sistemarena ere".

Lan arriskuen prebentzioari lotutako hezkuntza lanaren ildoan, ikasleei egokituta eta zuzendutakoa, OSALANeko Zuzendari Nagusiak, Izaskun Urien Azpitartek Lea Artibai Ikastetxeak garatutako prebentziorako ekimen didaktiko honen zabalkuntza indartzeko dituen planak aurreratu zituen. Horretarako, dagoen material guztia digitalizatzeko asmoa du, interneten bidez publikatzeko, OSALANen web orrialdearen bitartez, www.osalan.net. Arriskuen prebentzioko “Gazte Txokoa" sortzeko proiektua, hain zuzen ere. Lea Artibai Ikastetxeak Lan Segurtasun eta Osasunerako Euskal Erakundearen kolaborazioarekin sortutako material didaktikoa eta etorkizunean sortzen den materiala eskuratzeko ate digitala.

Prebentzioko kulturan hezitzea da helburua eta etorkizuneko proiektuari jarraipena ematea, gizartean prebentzioko kontzientzia ezartzeari laguntzeko sarearen bitartez ere, gazte sasoitik hasita. "Horrela, garatu dugun lan guztiaren hedadura handitzen da, internetaren leihoari esker prebentzio hezkuntzaren mezua ikasgeletatik urrunago eraman ahal izango dugu. Belaunaldi berriak lan segurtasun eta osasuna bermatzeko beharrizanaren gainean kontzientziatzea, epe ertain eta luzera, lan arriskuen prebentzioa lortzea da. Izan ere, gaur egungo ikasleak biharko langileak dira" nabarmendu zuen OSALANeko Zuzendari Nagusiak.

Irakaskuntza teknikoa