MUren Oñatiko campusean, marketin mugikorrari buruzko jardunaldia egingo da bihar

Ezagutza

Mondragon Unibertsitatearen Enpresagintza fakultatearen Oñatiko campusean, bihar, ostirala, esperientzia praktikoak eta marketin mugikorrarekin lotutako kontzeptuak azalduko dira. Diziplina hori "mobile marketing” izenez ere ezaguna da, eta gailu mugikorren bidez egindako marketin ekintzen diseinuaren eta ezarpena hartzen ditu barne.

Card image cap — MUko Enpresagintza fakultateko liburutegia.

2013/01/10

Jardunaldia sarrera librekoa izango da eta interestuek migarzabal@mondragon.edu helbidean edo 943 71 80 09 telefonoan eman behako dute izena.

Hitzaldiari Mondragon Unibertsitatearen Enpresagintza Fakultateko zuzendari akademiko Mikel Mesonerok emango dio hasiera 14:15ean, ekitaldiaren aurkezpena eginez. Ondoren, ohPlayko koordinatzaile orokorra eta Dada Companyko bazkide sortzailea den Jose Maria Martinezi emango dio hitza, eta horrek inaugurazio-konferentzia eskainiko du, “Marketin mugikorra: bilakaera eta/edo iraultza” izenekoa.

Esperientzia praktikoa

16:00etan lehen kasu praktikoak azaltzen hasiko dira, Deskontu.com-eko sortzaile Txomin Jauregiren eskutik. Horren ondoren, Garaia Guneko Enpresa Digitaleko eta Mondragon.edu-ko eta mukom.mondragon.edu-ko kudeaketa-kolaboratzaile Iñaki Lakarrak esku hartuko du. Lehen partea Filmatu.com-en sortzaile Alvaro Andoinen kasu praktikoekin amaituko da.

Atsedenaren ondoren, esperientzia praktikoen bigarren parteari helduko zaio, Eroski markaren arduradun Eduardo Sainen eskutik, eta gero Diseño Web Weiss Communication-eko software-sortzaile Alex Acostaren eskutik.

Hitzaldiari amaiera emateko, Mondragon Unibertsitatearen Eskola Politeknikako irakasle eta ikertzaile Dani Reguerak honako hitzaldi hau eskainiko du: “SEOa eta nola optimizatu marketin mugikorrean”.