Irakurriena
- 1. Danobatek 20 milioi euro inbertitu ditu Elgoibarko egoitzan berrian
- 2. LABORAL Kutxa Frantziako Tourrean izango da
- 3. Gipuzkoako Bazkundeak saria eman dio MLAKoop kooperatibari
- 4. Arkaitz Etxezarreta, Errekako zuzendari nagusi berria
- 5. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 6. Espainiako Bankuko gobernadoreak MONDRAGON bisitatu du
- 7. Errekak Darwin Biomed startuparekin bat egin du, Health linea bultzatzeko helburuarekin
- 8. Ingeniaritza eta Zerbitzuen Dibisioa Advanced Factories-en egongo da
- 9. Arizmendi ikastola, 20 urte
- 10. Parte-hartze handia LagunAro BGAEren 2024ko ohiko batzarrean
Montxo Armendarizek Eusko Ikaskuntza-Laboral Kutxa Saria jaso du
Montxo Armendariz zinemagile nafarrak 2017. urteko Eusko Ikaskuntza-Laboral Kutxa Humanitate, Kultura, Arteak eta Gizarte Zientzien Saria jaso du Iruñeko Kondestablearen jauregian, Iñaki Dorronsoro Eusko Ikaskuntzako lehendakariaren eta Txomin Garcia Laboral Kutxako lehendakariaren eskutik.
Epaimahaiak nabarmendu du Montxo Armendariz «azken 30 urteotako funtsezko zine zuzendaria» dela eta bere lanak «tokikotik haratago joan eta nazioarteko publiko zabalarengana iristea lortu» duela.
Nafar hiriburuan egin den ekitaldian Iñaki Dorronsoro Eusko Ikaskuntzako lehendakariak eta Txomin Garcia Laboral Kutxako lehendakariak izan dira Armendariz saritzeko ardura izan dutenak.
Armendarizen esanetan, bere lan profesionala aitortzeaz harago, zinemak komunikaziorako tresna eta giza adierazpen gisa duen garrantzia azpimarratzen du sariak. Hori dela eta, eskerrak eman ditu.
Bere hitzaldian, Jean Renoir zinemagile frantziarraren hitzak aipatu ditu Armendarizek: "Niretzat garrantzitsuena ez da pelikula perfektuak egitea, zubiak eraikitzea baizik".
Ibilbide luzeko pertsona
Montxo Armendariz zinegileak ibilbide luzea du egina, film nabarmenez osatua, besteren artean, Tasio, Historias del Kronen, Las cartas de Alou, No tengas miedo, Obaba edo Secretos del corazón. 1986an Donostiako Zinemaldiko Zilarrezko Maskorra jaso zuen 27 horas filmagatik. Gainera, beste hainbat sari jaso izan ditu, besteren artean, Príncipe de Viana Saria (1998) edo Zinemako Sari Nazionala (1998). Epaimahaiak nabarmendu duenez “azken 30 urteetako ezinbesteko zinema-zuzendarietako bat da” eta bere filmek “Euskal Herriaren alderdi bisualak, kulturalak eta etnografikoak islatzen dituzte".