MONDRAGONek berrikuntzari buruzko ekitaldia antolatu du

Korporatiboa

Ekainaren 13an Bilboko Guggenheim-en izango da ekimena eta bertan izango da Korporazioko lehendakaria eta berrikuntza jorratzen duten beste kooperatiba batzuetako kideak. Etorkizuneko hiriak eta laugarren industria iraultza izango dira gai nagusiak.

2016/06/08

Ekintzailetasunaren inguruan lana egin edo interesa duen edonori zuzendua dago ekimena. Baita online edo offline bidezko negozio berriak ikertzen dabilenari edota etorkizunean enpresetan izango diren aukera berriak aztertzen duenari zuzenduta dago ekimena.

Jardunaldi oso berezia prestatu dugu, goizean komunikabideekin elkartzeko eta arratsalde partean ekitaldi nagusi batekin, 19.00tik aurrera burutuko dena.

Momentu horretan Guggenheim museoko atarira igoko da Mondragon Unibertsitateko errektorea den Bixente Atxa. Ondoren, etorkizuneko hiriak, smart citiak izango dira aztergai.

Bigarren gai nagusia, berriz, laugarren industria iraultzaren ingurukoa izango da. Nolakoa izango da iraultza hori? Nolakoak izango dira lantegi adimentsuak? Eta gai hauen inguruak arituko dira Danobat, MSI, MIK eta Batz kooperatibetako kideak.

Azken orduan, Javier Sotil Korporazioko lehendakariak hartuko du hitza. Eta amaitzeko musika perfomance-a izango da, Alex Txikonek lagunduta.

Ekitaldira joateko asmoa izanez gero, honako mailera idatzi, telefonoz deitu edo inprimakia bete:

mondragon-cp@mondragoncorporation.com
943 082215
http://goo.gl/forms/OahgXY2WIX