Irakurriena
- 1. Danobatek 20 milioi euro inbertitu ditu Elgoibarko egoitzan berrian
- 2. LABORAL Kutxa Frantziako Tourrean izango da
- 3. Gipuzkoako Bazkundeak saria eman dio MLAKoop kooperatibari
- 4. Arkaitz Etxezarreta, Errekako zuzendari nagusi berria
- 5. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 6. Espainiako Bankuko gobernadoreak MONDRAGON bisitatu du
- 7. Errekak Darwin Biomed startuparekin bat egin du, Health linea bultzatzeko helburuarekin
- 8. Ingeniaritza eta Zerbitzuen Dibisioa Advanced Factories-en egongo da
- 9. Arizmendi ikastola, 20 urte
- 10. Parte-hartze handia LagunAro BGAEren 2024ko ohiko batzarrean
Mondragon Unibertsitateak batxilergoko eta LHko 50 gazte bildu ditu Oñatin gazteGOTalent lehiaketan
Mondragon Unibertsitateko Enpresagintza Fakultateak batxilergoko eta Lanbide Heziketako 50 bat ikasle bildu zituen pasa den ostiralean, abenduaren 15an, Oñatiko kanpusean, euren enpresa-talentua erakuts diezaieten ekitaldian parte hartuko zuten enpresei.
Enpresa-mundua atsegin duten gazteek benetako erronkei aurre egiteko ideiak sortzea lortu nahi du gazteGOTalent lehiaketak.
Lehiaketaren baitan, kirolaren, modaren eta kulturaren sektoreetako enpresek benetako erronkak proposatuko dizkiete; besteak beste, Real Sociedad, Loreak Mendian, Orbea, Atlantikaldia edo Buatxabal enpresek. Ikasleek euren talentua eta arrazoiak emateko gaitasuna landu beharko dituzte, epaimahaiak sinets dezan euren ideia dela erakundearen beharretara ondoen egokitzen dena.
Mondragon Unibertsitateko myGADE graduko ikasleek antolatu dute jardunaldia. Hori ikasketak eta lana uztartzen dituen Enpresa Administrazioko eta Zuzendaritzako gradu bakarra da estatuan, eta ikasleek konpetentziak bai unibertsitatean bai enpresan eskuratzeko gaitasuna lantzen dute.
Jardunaldia
Jardunaldia 9:00etan hasi zen Mondragon Unibertsitatearen Oñatiko kanpusean (Areto Nagusian), eta ongi-etorriaren ondoren enpresek proposatutako erronkei erantzun behar zieten gazteek. Hiruzpalau laguneko taldeetan lan egin zuten proposatu dizkieten erronkei aurre egiteko. 12:30etik aurrera aurkeztuko zituzten egindako lanak.
Talde irabazlea sare sozialetan like gehien lortuko zituena izan zen. Irabazleek Madrilerako edo Bartzelonarako asteburuko bidaia eskuratu dute, eta eurek aukeratuko duten kontzertu baterako sarrerak ere bai.