TUlankide MONDRAGON

Juan Maria Palencia, Fagor Ederlan Taldeko gerente berria

2018/09/14

Fagor Ederlaneko Kontseilu Errektoreak erabaki du Juan Maria Palencia izendatzea kooperatibako zuzendari nagusi berria izateko. Marcial Iruretagoyena ordeztuko du karguan, hark datorren apirilean hartuko baitu erretiroa.
Juan Maria Palencia, Fagor Ederlan Taldeko gerente berria

Juan Mariak etapa berri bati ekingo dio bere ibilbide profesionala hasi zuen kooperatiban, eta 2001 eta 2013 artean ere izan zen zuzendari nagusia. Marcial Iruretagoyena ordeztuko du, hark datorren apirilean erretiroa hartuko baitu. Bien bitartean, biak elkarlanean arituko dira erreleboa modu antolatuan egiteko.

Juan Maria Palencia Arrasaten jaio zen (Gipuzkoa), 1961ean. Ingeniari industriala da Bilboko Goi Mailako Ingeniaritza Eskolatik. Hain zuzen ere, Juan Mariak Fagor Ederlanen hasi zuen bere ibilbide profesionala, 1987an. Ondoren, proiektu buru izan zen, industri prozesuak hobetzeko programak inplementatzeko. 1992an Fagor Ederlaneko aluminio lantegiko produkzio zuzendaria izan zen, eta urte horretan bertan planta bereko zuzendari izendatu zuten. 2001eko urtarrilean Fagor Ederlaneko zuzendaritza nagusian sartu zen, eta 2008an CHP Automobilgintza Dibisioko lehendakariorde izendatu zuten.

2015eko otsailaz geroztik, Korporazioko Berrikuntza, Sustapen eta Ezagutzako lehendakariorde izan zen, eta kargua CHP Automobilgintza Dibisioko lehendakariorde lanekin tartekatu zuen.

Aurki, organo korporatiboek hartu beharreko erabakiak hartuko dituzte Berrikuntza, Sustapen eta Ezagutza arloa berrantolatzeko.

Eguraldia
Igandea 17 Min: 5
Max: 11
Astelehena 18 Min: 5
Max: 10
Asteartea 19 Min: 3
Max: 13
Bideoak


+ Bideo gehiago

Papereko edizioa
Jarraitu twitterren
LagunAro

Iradokizunak

iradokizunak