Irakurriena
- 1. Danobatek 20 milioi euro inbertitu ditu Elgoibarko egoitzan berrian
- 2. LABORAL Kutxa Frantziako Tourrean izango da
- 3. Gipuzkoako Bazkundeak saria eman dio MLAKoop kooperatibari
- 4. Arkaitz Etxezarreta, Errekako zuzendari nagusi berria
- 5. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 6. Espainiako Bankuko gobernadoreak MONDRAGON bisitatu du
- 7. Errekak Darwin Biomed startuparekin bat egin du, Health linea bultzatzeko helburuarekin
- 8. Ingeniaritza eta Zerbitzuen Dibisioa Advanced Factories-en egongo da
- 9. Arizmendi ikastola, 20 urte
- 10. Parte-hartze handia LagunAro BGAEren 2024ko ohiko batzarrean
Fagor Ederlanek eta Lotus Engineeringek hiriko ibilgailuetarako Range Extender proposamena aurkeztu dute Frankfurten
Gidaritza elektriko hutsa
Lotus Fagor Ederlan Range Extender bertsio berria ezin hobea da hiriko ibilgailuetarako, desplazamendu gehienak modu elektriko hutsean egiteko aukera ematen baitu. Proposamenean 2 zilindroko eta 4 denborako errekuntza motor bat eta Fagor Automation kooperatibak garatutako sorgailu eta bihurgailu bat integratzen dira Horrenbestez, Range Extender modeloak gidaritza elektriko hutsa ahalbidetzen du, ibilgailu elektrikoaren bateriak martxan kargatzen baitira; ondorioz, autonomia ere handitzen da.
Lotus Engineeringeko zuzendaria den Mark Jamesen hitzetan, proposamenak harrera bikaina izan du Frankfurteko automobilaren aretoan, eta mundu osoko autogileen interesa eragin du, ibilgailu elektriko hutsak baino soluzio eraginkorra bilatzen ari baitira kostuari dagokionez, zein autonomia handiagoari dagokionez.
Miguel A. Mateo Fagor Ederlaneko proiektu honen zuzendari komertziala da, eta, adierazi duenez, aurkeztu den Range Extender modeloa "teknologia eta lehiakortasun handiaren arteko oreka dotorea" da. Bezeroek nabarmendu dute soluzio osatu eta trinkoa dela, gaur egungo ibilgailuen arkitekturetan erraz integratzekoa.
Aurkeztu den bertsioarekin Range Extender motorren gama osatzen da, 3 zilindrotan -50 eta 35kW-eko potentziekin- eta 2 zilindrotan -30 eta 20kW- aurkezten baita. Bi motorretan -2 eta 3 zilindro- bertsiorik indartsuena konpresore zentrifugo batez gainelikatzen da. Horrez gain, motorraren arkitektura eta gestio sistema hainbat erregai mota erabiltzeko aukera eskaintzeko diseinatuta daude, petrolioari buruzko mendetasuna murriztuz eta bio-erregaien erabilera ahalbidetuz.
Informazio gehiago duzue Fagorederlan.es webgunean.