Prentsa eta estanpazio sistemen diseinu eta ekoizpena, laminatzea, prozesatzea, metalen mozketa eta txapazko piezen soluzioak.
Irakurriena
- 1. Danobatek 20 milioi euro inbertitu ditu Elgoibarko egoitzan berrian
- 2. LABORAL Kutxa Frantziako Tourrean izango da
- 3. Gipuzkoako Bazkundeak saria eman dio MLAKoop kooperatibari
- 4. Arkaitz Etxezarreta, Errekako zuzendari nagusi berria
- 5. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 6. Espainiako Bankuko gobernadoreak MONDRAGON bisitatu du
- 7. Errekak Darwin Biomed startuparekin bat egin du, Health linea bultzatzeko helburuarekin
- 8. Ingeniaritza eta Zerbitzuen Dibisioa Advanced Factories-en egongo da
- 9. Arizmendi ikastola, 20 urte
- 10. Parte-hartze handia LagunAro BGAEren 2024ko ohiko batzarrean
Fagor Arrasatek altzairu gogor eta luzeetarako ebaketa-linea bat egingo du SSABrentzat
Fagor Arrasate konformazio eta ebaketa-lineen diseinuan eta manufakturan aditua da, eta muga elastiko handiko altzairuarentzako (HSS) luzetarako ebaketa-lerro guztiz automatizatu bat hornituko dio SSABri, mundu mailako erreferentziazko altzairutegietako bati. Prestazio handiko lerro bat da, eskuragarri dauden azken teknologia eta automatizazio guztiak biltzen dituena, eta horrek aukera ematen dio produktibitate eta errentagarritasun-maila altuak lortzeko.
150 m/min-ko abiadurarekin, lerroa gai da altzairu erresistenteenak prozesatzeko, muga elastiko altukoak, 6 mm eta 1550 mm arteko lodiera duten bobinekin. Ebaketa- tresneriaren edo bereizgailuen posizio aldaketa automatikoki egiten da. Horri esker, makinaren doikuntza-denborak laburtu eta eskuzko eragiketak murriztu daitezke, eta horrek langileen ergonomia eta segurtasuna hobetzen ditu. Taldeak, gainera, txirbil- pikatzaile bat dauka soberan dagoen txatarrari berriro balioa emateko.
"Hamar urte baino gehiagoko lankidetzaren ostean lortutako emaitzekin pozik dagoenez, SSABek berriro jarri du konfiantza gugan, ekoizpena hedatzeko", nabarmendu du Jon Zubillagak, Fagor Arrasateko Europa Zentrorako zuzendari komertzialak.
Fagor Arrasateri buruz
Fagor Arrasate munduko liderra da altzairuzko, aluminiozko eta herdoilgaitzezko konformaziorako neurriko soluzioen diseinuan eta fabrikazioan; eta prentsak, bobinak ebakitzeko eta prozesatzeko lerroak eta metalezko pieza konplexuak fabrikatzeko sistema osoak egiten ditu. Konpositeen konformazioan, beroko eta hotzeko forjaketa- sistemetan eta Press Hardeningen ere adituak gara.
Globalki jarduten da, eta bezeroen artean OEM-ak, Tier-1-ak eta automobilgintza eta sektore aeroespazialeko zerbitzu-zentroak daude, baita forjaketa, siderurgia, etxetresna elektriko eta metalezko altzarien industrietako konpainiak ere.
60 urte baino gehiagoko esperientziarekin, Fagor Arrasatek 6 ekoizpen-planta, laguntza teknikoko 4 zerbitzu-zentro eta I+G+b zentro bat ditu, eta merkataritza-ordezkaritza ugari ere bai munduan zehar. Mondragon Corporationeko sortzailea da, Europako industria talde handienetako batena hain zuzen, 80.000 profesional baino gehiago baititu.