TUlankide MONDRAGON

Euskara planen erakusleihoa: EIKA

2019/11/11

Eika kooperatiba euskararen erabilera handia eta zabala den ingurune batean kokatuta dago, Bizkaiko Lea-Artibai eskualdean, Etxebarriko Galartza industrialdean.
Euskara planen erakusleihoa: EIKA

Lea-Artibain biztanleen %88k daki euskaraz.

Eika MONDRAGON Korporazioko Industri arloko Osagaien Dibisioan dago, eta egosketa elektrikoari zuzenduriko soluzio integralak eskaintzen ditu.

4 produkzio-planta dauzka: Etxebarrian, Polonian, Txekiar Errepublikan eta Mexikon.

Gaur egun Eika Koop. E. 500 bat langilek osatzen dute: % 55 emakumeak dira eta %45 gizonak.

Gehienak Lea-Artibai eskualdekoak edota ingurukoak dira (%88k euskaraz daki, eta %94k gutxi gorabehera euskaraz ulertzen du). Euskara pertsonen arteko komunikaziorako tresna garrantzitsua da.

Euskara planaren helburu nagusia:

Eika Etxebarria barruan lan eta zerbitzu hizkuntza euskara izatea eta inguruan eragile moduan jardutea. Kanpo harremanetan ere euskara bultzatzea.

Euskara planaren indarguneak:

EIKA, euskara plana

Eikan euskarak lortu duen funtzionaltasun eta erabileraren gakoa enpresa osatzen duten estamentu guztien inplikazio sakona eta praktikoa izan da. Horretarako ezinbestekoak izan dira egitura, baliabide, eta helburu egokiak jartzea; azken batean, euskararen normalizazioaren plangintza eta kudeaketa egitea.

Eikako hizkuntza politikak euskararen erabilera arauak jasotzen ditu lau arlotan sailkatuta:

v  Barne eta kanpo komunikazioa

v  Kontratazioa eta barne promozioa

v  Formazioa

v  Inbertsio berriak

Lorpen nagusiak:

Ezagutzan

  • Bazkideen %99k euskaraz ulertzen du. Langile guztien artean: ZEL: %95,6k ulertu; ZUL: %85,5ek ulertu.

Erabileran

  • Erakundearen arlo guztietan aurrerapauso nabarmenak eman dira: paisaia linguistikoa euskaraz, zerbitzu orokorrek ematen duten zerbitzua euskaraz (pertsonal saila, kalitatea, prebentzioa, organo sozialak,…), bilerak euskaraz, aplikazio informatikoak euskaraz, tailerra euskaraz (hizkuntza paisaia, makinak, txosten teknikoak,… ).
  • Euskararen ahozko leialtasuna (euskaldunen artean zenbat euskara egiten den) %70 da

Egungo erronkak:

  • Eika Taldeko hizkuntzak kudeatzeko politika definitu
  • Idatzizko harremanak euskaraz sortu (elebitasuna gainditu)
  • Euskara prozesuen barne auditorien bidez auditatu
  • Lider exekutiboak euskararen kudeaketan eta eredugarritasunean formatu/trebatu

Bizpahiru adierazle

  • Euskararen ahozko erabilera orokorra (euskaraz dakitenak eta ez dakitenak kontuan hartuta) % 62 da
  • E-mailak: %85 euskara hutsean idazten dira
  • Batzar Orokorra (ahoz eta idatziz): %93 euskara hutsean egin da
  • Bestelako bilerak ahoz: %69 euskaraz dira
  • Bestelako bilerak idatziz (deiak, aktak): %66 euskaraz dira
  • Tailerreko makinak (300etik gora): botoien %90 eta pantailen %75 euskaraz daude

 

 

Eguraldia
Ostirala 6 Min: 4
Max: 15
Larunbata 7 Min: 4
Max: 16
Igandea 8 Min: 5
Max: 12
Bideoak


+ Bideo gehiago

Papereko edizioa
Jarraitu twitterren
LagunAro

Iradokizunak

iradokizunak