Irakurriena
- 1. Ekoizpen linea fotovoltaiko berriak fabrikatu ditu Mondragon Assemblyk Aljeriarako
- 2. Yolanda Diaz Lan eta Gizarte Ekonomia ministroa Coprecin egon da
- 3. MSI Taldeak urteko ETE industrial onenaren saria jaso du
- 4. 20 urteko ibilbide arrakastatsua ospatu du Gerodan kooperatibak
- 5. MONDRAGONeko Pertsonen Foroa egin zen Kursaalen
- 6. LagunArok 2024 ona itxi du eta sendotasunez begiratzen die etorkizuneko erronkei
Eikak dagoeneko bitrozeramikarako 200.000.000 foku erradiatzaile fabrikatu ditu

1994an, ingeniari gazte talde batek kooperatibarentzako jarduera berri honen fabrikazioa hasi zuenean, gutxik pentsa zezaketen enpresak bitrozeramikarako 200
milioi foku erradiatzaile ekoitziko zituela. Efemerideari buruz, kooperatibatik komentatzen dutenez "Eikak ekoitzitako foku guztiak ilaran jartzea lortuko bagenu, lur planetari buelta bat eman ahal izango genioke".
Kooperatiba 1973an sortu zen, Mondragon
taldekoa da, eta Lea Artibai eskualdean emakumeen enplegua sortzeko sortu zen, garai hartan estatu mailan etxetresna elektrikoen inguruan zegoen eskari handia
aprobetxatuz. Salmenta nazionalak laster bihurtu ziren esportazio, eta, denboraren poderioz, operazioak nazioartekotu ziren.
Gaur egun, emakumeek gehiengoa izaten jarraitzen dute –% 60 – 1.100 langileko plantillan, eta kooperatibak lau ekoizpen-planta ditu. Etxebarrikoari (langileen ia erdiei ematen die lana), 1999tik 2006ra bitartean, Mexikoko (370 langile), Poloniako (120) eta Txekiakoa (90) batu zitzaizkion.
Urte hauetan zehar, Bizkaiko kooperatibak bere espezialitatearekin lotutako osagaien eskaintza zabala garatu du (etxetresna elektrikoetarako ukipen-kontrolak,
erresistentzia elektrikoak edo termostato elektrikoak), baita negozio-lerro berriak irekitzera bideratutakoak ere, hala nola Isoleika markako ultra-isolamendu termikoko
negozioa. "Gure erronka egungo produktuetan industria bikaintasuna lortzea, eta kooperatibaren etorkizuna sendotuko duten dibertsifikazio ildoak bilatzea da".