Irakurriena
- 1. Espainiako Kongresuak LagunAroren berezitasuna aitortzen duen Errege Lege Dekretua baliozkotu du
- 2. MONDRAGON, etorkizuneko emakume zientzialariengan eragiten
- 3. Markina Xemeingo BeraKruz Ikastola prest FLL Euskadi MONDRAGONen aritzeko
- 4. Lauaxeta Ikastola, klasiko bat FLLn
- 5. Ondarroako Zaldupe Eskolan FLL Euskadi MONDRAGONerako motorrak berotzen
- 6. B-WOMENIN Globalek Otaloran itxi du bere lehen edizioa
- 7. MONDRAGONek lidergo eta gizarte berdinzaleak sustatzen jarraituko du PWNrekin
- 8. FIRST LEGO League Euskadi-MONDRAGON finala, boluntario bila
- 9. Orbik Cybersecurity, kooperatiba mistoa bihurtu den lehen start-up teknologikoa
- 10. 2024ko urtekaria: urtebete iruditan
COVID-19: Kooperatibetan jarduteko jarraibideak
Hauek dira Korporazioko kooperatibek birusaren kutsadurari aurre hartzeko egindako prebentzio-praktika batzuk.

Osarten, LagunAro eta MONDRAGONeko Zentro Korporatiboak osatzen duten koronabirusaren jarraipenerako batzordetik, kooperatibek egindako prebentzio-praktikak bildu eta zabaldu dira, informazio gisa.
Praktika horiek guztiak biltzea da asmoa, kooperatibei jarduteko jarraibide gisa balio ahal izateko.
Oinarrizko gomendioak:
- Eskuak sarritan garbitzea.
- Ez ukitzea aurpegia, batez ere begiak, sudurra eta ahoa.
- Pertsonen artean gutxienez metro bateko tartea izatea eta, bereziki, eztula, doministikuak eta sukarra gertatzen direnean.
- Ez ukitzea kontaktu handiko eremu publikoak, hala nola barandak edo animaliak egon diren eremuak.
- Laguntza medikoa eskatzea sintomak izanez gero, bereziki sukarra edo aire falta
- Garbiketa zerbitzuaren maiztasuna eta tipologia handitzea, arreta berezia jarriz erakusmahaietan, mahaietan eta eremu kritikoetan.
Bilerak, bidaiak eta ekitaldiak:
- Minimizatzea / etetea behar-beharrezkoak ez diren bilera presentzialak, bidaiak eta ekitaldiak.
- Bilerak egiteko tresna digitalen erabilera sustatzea.
- Minimizatzea / baliogabetzea laneko bidaiak, eta ohiz kanpoko kasuetarako baimena eskatu beharra.
- Autoa partekatzea saihestea.
Bisiten eta salgaien harrera:
Kooperatiba batzuetan, debekatuta dago enpresaren instalazioetara bisitak egitea, eta, oro har, minimizatzen ari dira.
- Oro har, merkantziak ohikoa den moduan ai dira jasotzen eta manipulatzen ari dira.
- Garraiolariak zuzenean deskarga eremura bideratzea, eta enpresako langileekin gutxieneko kontaktua izatea.
Ikastetxeak ixtearen eragina jaso duten pertsonak:
- Ordutegiak malgutzea.
- Poltsen, oporren, egutegia egokitzeko orduen eta ordaindu gabeko baimenen kudeaketa arduratsua egitea.
- Ahal denean, telelana erraztea.
Jantokia eta atsedenlekuak:
- Kooperatiba batzuek jantoki partikularrak itxi dituzte.
- Metro bateko segurtasun distantzia mantendu behar dela azpimarratzea.
- Tupperra erabiliz gero, "office"ean txandak antolatzea.
- Atseden guneetan (kafea, vending-a...) pertsona kopurua mugatzea.
Lanaren antolaketa:
- Ahal den kasuetan, telelana erraztea.
- Prozesu kritikoetan diharduten pertsonak banatzea, aldi berean egon ez daitezen (txandak eta espazio desberdinak…).
- Aldagelak (dutxak) ahalik eta gutxien erabiltzea eta txandak gainjartzea saihestea.
Informazioa eta komunikazioa:
- Jarraipen batzordea izatea, Zuzendaritzaren inplikazioarekin.
- Iturri ofizialetako informazioa jasotzea beti.
- Kolektiboarekin etengabeko komunikazio bidea izatea.
- Taldeari informazioa ematea organo egokien bidez.
- Bezero eta hornitzaileekiko komunikazioa modu proaktiboan kudeatzea.
- Bakoitzaren erantzukizunari dei egitea, kooperatibak berak eta osasun agintariek egindako gomendioei jarraitzeko.