Arizmendi Ikastola onenen artean FLL Euskadin

Arizmendi Ikastolako 'Neskek Eraldatuz Teknologiaz Arizmendi Ikerlan' taldeak Espainiako txapelketa jokatzeko txartela eskuratu du, First Lego League Euskadin berrikuntza proiektu onena aurkezteagatik. Guztira, sei taldek ordezkatuko dute Euskadi Estatuko txapelketan.
Card image cap
2021/05/09

Atzo jokatu zen FLL Euskadi Deustu, Donostia eta Arrasaten. Deustuko Unibertsitatea, Donostiako Sustapena eta Mondragon Unibertsitatearen sedeetan. Guztira Challenge kategorian, 10 eta 16 urte, 35 talde aurkeztu dira eta horietatik sei Espainiako finalera joango dira. Honako hauek dira atzo irabazle suertatu zirenak.

35 talde aurkeztu dira eta horietatik sei Espainiako finalera joango dira

Portugaleteko Santa Maria Ikastetxeko Edurobotic Mercurio; Donostiako Axular lizeoko Overclock; eta Sanfitek, Gernikako San Fidel Ikastxetxekoa; hiru talde horiek izan dira puntuazio altuena eskuratu dutenak. Bestalde, berrikuntza proiektu onenen atalean beste hiru talde saritu dituzte: Edurobotic Hermes, Portugaleteko Santa Maria Ikastetxekoa; Markina-Xemeingo Enegear, Berakuz Ikastolakoa; eta Arizmendi Ikastolako Neskek Eraldatuz Teknologiaz Arizmendi Ikerlan taldea, arrasatearrak. Aipatutako sei taldeek ekainean jokatuko den FLL Espainian izango dira.

Kirola, berrikuntza eta segurtasuna

Kirola, berrikuntza eta segurtasuna izan dira aurtengo First Lego League Euskadiko finaleko protagonistak. Innobasque euskal berrikuntza agentziak sustatzen duen egitasmoak gero eta jarraitzaile gehiago ditu eta Euskal Autonomia Erkidegoan tinko ari dira sustapen horretan Deustuko Unibertsitatea, Donostiako Sustapena eta Mondragon Unibertsitatea.

Segurtasun neurriak direla eta, sari banaketa ekitaldi birtuala egin zen atzo eta ikasleek, Arizmendi Ikastolakoek, datorren maiatzaren 13an, ostegunean, jasoko dituzte euren trofeoak Mondragon Unibertsitatearen Arrasateko fakultatean egingo den sari banaketa ekitaldian. 

Irakaskuntza unibertsitate zentroa

Ikerketa zentro teknologikoa