Irakurriena
- 1. Danobatek 20 milioi euro inbertitu ditu Elgoibarko egoitzan berrian
- 2. LABORAL Kutxa Frantziako Tourrean izango da
- 3. Gipuzkoako Bazkundeak saria eman dio MLAKoop kooperatibari
- 4. Arkaitz Etxezarreta, Errekako zuzendari nagusi berria
- 5. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 6. Espainiako Bankuko gobernadoreak MONDRAGON bisitatu du
- 7. Errekak Darwin Biomed startuparekin bat egin du, Health linea bultzatzeko helburuarekin
- 8. Ingeniaritza eta Zerbitzuen Dibisioa Advanced Factories-en egongo da
- 9. Arizmendi ikastola, 20 urte
- 10. Parte-hartze handia LagunAro BGAEren 2024ko ohiko batzarrean
Fagor Elkarrekin tresna sortu du Fagor Taldeak, komunitatea indartzen segitzeko
“Komunitatearekiko konpromisoak ezaugarritu du Fagor sortzetik. Horretan sakontzen segitzeko bitartekoak eskaini gura ditugu, kideei gizarteko ekimen ezberdinekin bat egiteko aukera emanez, eta, zela ez, haien laguntza aitortuz”, argitu du Aritz Otxandiano Kanpo Fagor Taldeko iraunkortasun arduradunak.
Fagorreko kideak asteon hasi dira tresna erabiltzen eta 300 kide baino gehiagok dute dagoeneko Fagor Elkarrekinekin bat egina
Gaur-gaurkoz, boluntariotzari, proiektuen inguruko informazioari edo dohaintzari loturiko ekimenak barnebiltzen ditu Fagor Elkarrekin tresnak; eta, horiek oinarri, tartean, ErriGorak Nafarroako suteen harira abiaraziriko diru bilketa kanpaina, bidezko merkataritzaren bueltako Harreman Denda ekimenean boluntario izateko aukera eta Mundukide Fundazioaren proiektu batean koordinatzaile izateko deialdiari buruzko informazioa topa daitezke hartan. “Bien bitartean, berbetan gabiltza bestelako eragileekin, haien jardunean laguntzerik bagenu, zertan lagun genezakeen jakiteko. Asmoa da tresna dinamiko bat sortzea, uneko beharren araberako eguneratzeak izango dituena”, argitu du Iraunkortasun arduradunak.
Abiarazi berri den Fagor Elkarrekin tresna erabili gura duenak, webgune edo mugikorreko aplikazioaren bidez sor dezake haren erabiltzailea. Fagorreko kideak asteon hasi dira tresna erabiltzen. Eta 300 kide baino gehiagok dute dagoeneko Fagor Elkarrekinekin bat egina.