2017-08-18T16:23:30+02:00

Tresna pertsonalak

TUlankide MONDRAGON

Xabier Bengoetxea, Fagor Etxetresnak kooperatibako lehendakaria: "Aurrera egiteko lana egin behar dugu"

2013/11/15

2005etik bazkide izanik, orain dela bost hilabete iritsi zen lehendakari kargura Xabier. Azken hilabeteotan notizia izan da Fagor Etxetresnak eta gertakari ugari eman dira. Egun, hartzekodunen konkurtsoa aurkeztuta, epe motzeko etorkizunari buruz hitz egin dugu kooperatibako lehendakariarekin.
Xabier Bengoetxea, Fagor Etxetresnak kooperatibako lehendakaria: "Aurrera egiteko lana egin behar dugu"

Xabier Bengoetxea, Fagor Etxetresnak kooperatibako lehendakaria.

Lortuko dugu aurrera egitea?

Bai, zalantzarik gabe, lortuko dugu! Argi dagoena da orain arte ezagutu dugun Fagor Etxetresnak ez dugula berriz ikusiko, beste zerbait izango da etorkizunean. Gure eskutan dago, ahal den neurrian, errentagarria dena mantentzea eta horretan jarri behar dugu ahalegina. Ez dakigu noraino helduko garen, baina gure esku dago! Momentu honetan, garrantzitsuena da pertsonen ardurei irtenbide bat ematea eta horixe da gure lehentasuna, informazioa eskaintzea eta ahal bada, lasaitzea. Dagoeneko gauzak mugitzen ari dira eta hurrengo lau edo sei hilabeteotan hainbat aurrerapausu nabarituko dira. Zentzu honetan baikorra naiz, baina denbora behar da gauza erakusteko.

Zein da bazkide bati helaraziko zenioken mezua?

Lehendabizi, gure eskuetan dagoen guztia egingo dugula irtenbideak bilatzeko. Eta bigarrenik, baikorra naizela eta guztiontzat irtenbideak izango ditugula.

Eta Fagor Taldeko beste kooperatibei zer esango zenioke?

Hauei eskerrak eman nahi dizkiet. Azken urteotan laguntza finantziario izugarria jaso dugu eta gure bazkideak birkokatzen ere laguntza handia izan dugu, beraz, mila esker guztiei!

Elkarrizketa bere osotasunean TU Lankide aldizkarian argitaratuko da.


Bideoak


+ Bideo gehiago

Papereko edizioa
Jarraitu twitterren
LagunAro

Bazkideentzat promozioak

fagor-promo

Iradokizunak

iradokizunak