Irakurriena
- 1. Danobatek 20 milioi euro inbertitu ditu Elgoibarko egoitzan berrian
- 2. LABORAL Kutxa Frantziako Tourrean izango da
- 3. Gipuzkoako Bazkundeak saria eman dio MLAKoop kooperatibari
- 4. Arkaitz Etxezarreta, Errekako zuzendari nagusi berria
- 5. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 6. Espainiako Bankuko gobernadoreak MONDRAGON bisitatu du
- 7. Errekak Darwin Biomed startuparekin bat egin du, Health linea bultzatzeko helburuarekin
- 8. Ingeniaritza eta Zerbitzuen Dibisioa Advanced Factories-en egongo da
- 9. Arizmendi ikastola, 20 urte
- 10. Parte-hartze handia LagunAro BGAEren 2024ko ohiko batzarrean
ORONAk Scan Heis norvegiar enpresa erosi du
Orona mugikortasun soluzioetan espezializatutako euskal konpainiak (Hernanin du egoitza) Bergen hirian dagoen Scan Heis enpresa norvegirra erosi du. Sektorean 26 urteko esperientzia du Norvegiako enpresak eta "sakon ezagutzen du merkatua", Hernanin egoitza duen euskal konpainiak jakinarazi duenez.
Eragiketa horrekin, Oronak handitu egin du Norvegian duen presentzia, eta Eskandinaviako herrialdean 21 milioi euro inguru fakturatzea aurreikusi du. Dagoeneko zortzi bulego eta kualifikazio handiko ia 100 profesional ditu Norvegian.
Atle Helland Scan Heis enpresaren jabe ohi eta gaur egungo zuzendariak esan duenez, "parte izateko konpainiarik onena zen Orona, aukera ematen baitzuen kalitateko zerbitzu eta produktu bat sustatzeko gure bezero orientazioa mantenduz, zeina gure enpresaren ezaugarri izan baita urteetan".
Oronak integrazioaren "oso balorazio positiboa" egin du, bere bezeroei herrialde osoan "zerbitzu lehiakorra eta kalitatekoa eskaintzeko gaitasuna indartuko baitu". Scan Heis enpresaren taldea sartuta, Oronak hazten eta lanean jarraitzen du Norvegian duen presentzia handitzeko. Iaz, besteak beste, Frantzian, Polonian, Portugalen eta Norvegian egin zituen erosketak Oronak.
Orona Europako eta Amerikako 11 herrialdetan 30 enpresa baino gehiago dituen enpresa taldea da. Europako hamar igogailu berritik bat Oronak egina da, eta 100 herrialdetan baino gehiagotan instalatzen dira bere produktuak. Munduko 250.000 igogailuk Oronaren teknologia dute, eta Europako lehena da igogailu osoak ekoizteko ahalmenari dagokionez. Ekodiseinuko ziurtagiria (ISO 14006) eskuratu duen mundu osoko lehen igogailu enpresa da.