Lana kooperatibak Txekian duen lantegiaren 10. urteurrena ospatu du

Zdirec Nad Doubravou herrian kokatzen da eta 120 langile ditu gaur egun.
Card image cap
2017/06/19

Txekiar Errepublikan kokatzen den planta hau 2007an inauguratu zen, Europa eta mundu mailako merkatuetara hurbiltzeko helburuarekin. Bertan bi fabrikazio lerro daude eta hauen bitartez eraikuntza sektoreari zuzenduriko egurrezko elementu desberdinak egiten dituzte.

discurso

Oñatin egiten diren hiru geruzako ohol berdinak egiten dira eta horrez gain, egurrezko habeak. Gainera, aurten inbertsio berri bat egin da planta honetan, eta habe bigen fabrikazioa bikoiztea izango da helburua. Gaur egun planta honetan, 120 langile daude lanean.

10. urteurrena ospatzeko jai giroan egin dute topaketa, langile zein familia guztiekin. Oñatiko ordezkariak ere bertan izan ziren, Kontseilu Errektoreko eta Zuzendari Kontseiluko kideen bitartez. Guztira, ia 250 pertsona bildu ziren ospakizunean.

DSC_0084

Lana, egurrezko kofratu-egituretan bereiztu da eta, azken urteotako krisi garaia gaindituta, Oñatiko planta ere berrikuntza eta inbertsio gehiago egitea espero du epe motzean. Etorkizunera begira, egungo merkatuak indartu eta berrietara heltzea da erronka.

 

 

Eraikuntza sektorerako irtenbide berritzaileak