Iraunkortasunaren aldeko apustua indartu du MONDRAGONek

Gizarte Ekonomia Bultzatzeko Plan Integralaren deialdiaren bitartez, Garapen Industrialen esparruan sare ekonomiko, inklusibo eta iraunkorra sortzeko, Ekonomia Berreskuratzeko eta Eraldatzeko Proiektu Estrategikoen (PERTE) baitan, MONDRAGON IRAUNKORRA da Korporazioak eta kooperatibek egiten duten ekarpena. Erronka horiei guztiei aurre egiteko egiten duen proposamena, mundu jasangarriagoa sustatzeko arlo ekonomikoan, sozialean zein ingurumenean.

Korporazioak, 2021-2024 Politika Sozio-enpresarialaren testuinguruan, iraunkortasunaren aldeko apustua jaso du eta lan horren ardatz izango diren alderdi batzuk azpimarratu ditu:

• Iraunkortasuna Estrategian txertatzea, materialtasun estrategikoaren analisiaren bitartez, lehentasunak ezarriz (ekintzak, helburuak eta adierazleak) eta Iraunkortasun Memorien bidez komunikatzearen bitartez.
• Trantsizio energetikoaren eta aldaketa klimatikoaren arloan aurrera egitea, Politika Klimatiko Korporatibo baten barruan neurtzeko, murrizteko eta konpentsatzeko prozesuak gidatuko dituzten estrategia klimatikoak definituz.
• Genero-berdintasunaren arloan aurrera egitea, Berdintasun Planak diagnostikatuz eta definituz eta praktikak trukatuz.

Kooperatiben partehartzea
9 kooperatibak (Embega, Eroski, Mundukide, Ausolan, Ecenarro, Ategi, MIK, Osatu, Mondragon S. Coop.) 2023ko otsailetik urrira bitartean jarduerak garatzeko laguntzak jaso dituzte, bi zentzutan:

• Ingurumenaren, gizartearen eta generoaren egoerari buruzko diagnostikoak eta balantzeak egiteko.
• Ingurumen, gizarte eta genero baldintzak hobetzeko metodologiak eta irtenbideak garatzeko.

Proiektuaren inbertsio osoa 3.290.648 €-koa da, eta horietatik MONDRAGON Iraunkorra deritzogun PERTEak 968.058,97 €-ko ekarpena egingo du.