Irakurriena
- 1. Fagor Electrónicak Triax Digital Solutions (TDS) erosi du, egoitza eta hirugarren sektorerako multimedia soluzioen merkatua gidatzeko
- 2. Nerea Aranguren, DanobatGroupeko eta MIAko zuzendari nagusia eta MONDRAGONeko lehendakariorde berria
- 3. Kooperatibismoaren emakume aitzindariak omen dituzte Kooperatiben Kontseiluak eta Konfekoopek
- 4. 74ko sortzaileei omenaldia egin diete Aurrenak kooperatiban
- 5. Mende erdiko lerroa abestiaren bideoklipa estreinatu du Ikerlanek bere 50. urteurrena ospatzeko
- 6. EduRobotic Synthesis eta WinnBot taldeak izan dira FLL Euskadi-MONDRAGON torneoko irabazleak
- 7. MONDRAGON Healtheko komunikazio taldea Osartenen bildu da
- 8. Mondragon Goi Eskola Politeknikoak Amazoneko langileak trebatuko ditu
- 9. Iñigo Urkullu lehendakariak Lortek bisitatu du
- 10. Kide izango da Ondarroako arraun taldearen babesle nagusia hurrengo hiru denboraldietan
Fagor Taldeak bat egin du Bizipoza elkarteak bultzaturiko egitasmoarekin
Hamaika elkarteren errealitatea ikusarazi guran, azken hilabeteetan hamabi kanturen eta hamaika bideoklipen sorkuntzan jardun du Bizipoza elkarteak, euskal sortzaileekin elkarlanean. Besteren artean, elkarteen errealitate ezberdinak azalaraztea da helburua. “Egitasmo berriak sekulako bultzada dakarkio elkarteen errealitateak azalarazteko zereginari. Sentsibilizaziorako bitarteko da, gizarte justuago baten bidean, talde lanean, eraikitakoa”, azaldu du Amaia Elizondo Martiarena Bizipoza elkarteko kideak. Fagor Taldeak bat egin du egitasmoarekin.
Dagoeneko ikusgai da ekinbideari loturik eginiko aurrerapen bideoa. Eta, hainbaten artean, egitasmoaren aurkezpena iragarri dute haren bidez: urtarrilaren 23an egingo da -Fagor Taldeko ordezkaritza ere izango da hitzorduan-. Egun horretan hasiko dira Bizipoza elkarteko kideak ekimenaren baitako kantuak eta bideoklipak publiko egiten.
Euskal sortzaileen ekarpena funtsezko izan da Mundu berri bat guztiontzat egitasmoarentzat.
Harekin bat egin dutenen artean da Xabi Solano musikaria -guztira, 22 abeslarik esku hartu dute-. Bere esanetan, doinua, musika eta irudiak elkartzeko ariketaren bidez, “babesa eta elkartasuna” erakutsi gura izan diete euskal sortzaileek Bizipoza osatzen duten elkarteei.
Esan moduan, Fagor Taldeak bat egina du egitasmoarekin. “Uste dugu gizarteari, eta, oro har, urtean zehar sorturiko dinamika sozialei ekarpena egitea dagokigula. Bizipoza elkartea gogor dabil lanean, gizarte inklusiboago bat lortu guran. Eta ezin dugu ahaztu elkarte ezberdinen elkargune dela. Garrantzitsua da horien jarduna ikusaraztea”, dio Aritz Otxandiano Kanpo Fagor Taldeko iraunkortasuneko arduradunak.