Irakurriena
- 1. AFM Klusterrak Jose Perez Berdud izendatu du presidente
- 2. Xabier Sotil: "Gazteak balioetan oinarrituta konbentzitu behar dira, etorkizuneko kooperatibak eraiki ditzaten"
- 3. Arizmendi eta Mundukideri esker, ordenagailuak Brasilgo eskoletara
- 4. Mondragon Unibertsitateak eta Elayk bat egin dute automobilgintzarako pieza metalikoen fabrikazioa hobetzeko
- 5. Kargadore inalanbrikoa garatu du Ikerlanek, Europa mailako proiektu baten baitan
- 6. Orbeak 170 lanpostu berri sortu eta 282 milioi euro fakturatu zituen 2021ean
- 7. Euskara Planaren 20. urteurrena ospatu du Batz kooperatibak
- 8. Covid-19 kasu positiboen kontaktuak arakatzeko taldearen lana bikaina izan da kooperatibentzat
- 9. Soralucek 60 urte betetzen ditu fundatzaileen adorea eskertuz
- 10. SHREC taldeko nazioarteko adituak energia berriztagarrien inguruan arituko dira Garaian
EROSKIk dirua bilduko du Indonesiako tsunamian kaltetu direnei laguntzeko

Bezeroek borondatezko diru ekarpen bat egin ahalko dute saltokietan, hondamenak jo dituen herritarren oinarrizko beharrak estaltzeko, urgentziaz behar baitute laguntza.
Irailaren 28an, tsunami lazgarri batek jo zuen Indonesiako Celebes uhartea. Oraindik ez dakite zenbaterainoko hondamena gertatu den, baina gaur egun, milaka lagun daude desagerturik, eta orain arte 1.400 lagun hilik direla diote. Lehen ordu hauek funtsezkoak dira familiei arreta emateko. Bizirik direnak goseak eta egarriak egon daitezke; izan ere, jan-edanak urriak dira, eta ospitaleak gainezka daude zaurituta direnekin beteak.
Hori dela eta, EROSKIren dendetan kanpainaren aldeko kartelak erakutsiko dira, kontsumitzaileek elkartasuna ager dezaten borondatez diru ekarpen bat eginda ordainlekuetan igarotzean. "EROSKIkook saiatzen gara lastertasunez erantzuten larrialdi humanitarioetan, kasu honetan Indonesian; izan ere, berehalako arreta da lehentasuna han. Beste behin, kontsumitzaileei elkartasuna adieraz dezatela eskatzen diegu, eta ziur gaude inplikatuko direla hondamendi hau ikusita", esan du Alejandro Martinez Berriochoak, EROSKIko Osasun eta Iraunkortasun arloko zuzendariak. Kooperatibak ere bere ekarpena egingo du.
Bildutako dirua UNICEF erakundeari emango zaio, han ari baita laguntza espezifikoa ematen zorigaitz honetan joak izan direnei. Oraintxe bertan, lehentasunezkoa da ahal den arinena jokatzea premia handiena dutenei arreta emateko. Bildutako dirua edateko ura helarazteko izango da, eta saneamendurako ere erabiliko da, izurriterik sor eza dadin; horrez gain, osasun arreta eta premiazko nutrizioa emango dira.
Hamabost urte pasa elkarrekin lanean
EROSKI joan deneko hamabost urtean ari da UNICEFekin lanean, laguntza humanitarioaren arloan. 2016an, Matthew urakanak jo zuen Haiti, eta 2010eko lurrikaraz geroztik herrialde hartan izan den krisi humanitariorik handiena gertatu zen. EROSKIren kanpaina haren bitartez, 75.000 eurotik gora bildu ziren, milaka bezeroren elkartasunari esker.