TUlankide MONDRAGON

Kooperatibak

MONDRAGON-ek EAE-ko enplegu osoaren %3,4 eta industri enpleguaren %8,3 sortu zuen 2010ean

2011/12/28

2010ean MONDRAGON Korporazioak bere kooperatiba eta elkarte partaidetuetan batez beste enplegatu zituen 83.859 lanpostuetatik, 31.794 lanpostuk Euskal Autonomia Erkidegoaren eremuan gauzatu zuten beren jarduera, eta 4.018k Nafarroan.

Gehiago irakurri

Finlandiatik bueltan, esperientzia kontatu digute LEINNeko ikasleek

2011/12/27

Irungo eta Oñatiko kanpusetako LEINN graduko lehen mailako 58 ikasle izan dira Finlandian kurtso hasieran. Graduan urtero egiten den hasierako ekintza da eta ikasleak motibatu eta pertsona bezala haztea du helburu. Eurekin "helburua lortu" dutela esan digute. Han izandako esperientzia kontatu digute.

Gehiago irakurri

Gizabidearen Arrasateko eraikina inauguratu dute

2011/12/21

Conchita Azkarate Madina arrasatearrak Gizabide fundazioari dohaintzan emandako Zarugaldeko etxea eraberritu eta gaur arratsaldean inauguratu dute. Gizabideak, Mundukidek eta Bagarak erabiliko dute. Bertan MONDRAGON taldeko arduradun dezente eta Gizabidea patronatuko kideak izandakoak egon dira.

Gehiago irakurri

Debagoiena lehen hamarren artean First Lego Leaguen

2011/12/21

Debagoienako bi talde aurkeztu dira First Lego Leaguera. Bata Ikerlan-Arizmendi eta bestea MGU-Arizmendi. Biek lehiaketan itxura ona eman dute eta lehen hamarren artean sailkatu dira. Elikadura hizpide izanik, talde lana, berrikuntza eta sorkuntza lantzea du helburu ekimenak.

Gehiago irakurri

GOSASUN mugimenduan parte hartu du Eroskik

2011/12/21

Innobasque-Berrikuntzako Euskal Agentziak GOSASUN, bizi-ohitura osasungarriagoen aldeko mugimendua aurkeztu zuen igandean. José Miguel Mera Eroskiko kanpo-harremanetarako zuzendariak ingurune osasungarriagoak lortzeko burutzen ari diren ekimenak azaldu zituen.

Gehiago irakurri

Euskadiko Kutxak Seguros Lagun Aroren %100 erosi du

2011/12/19

Euskadiko Kutxak Lagun Aro BGAEren partaidetza guztiak erosi ditu, Seguros Lagun Aro SAn eta Seguros Lagun Aro Vida SAn. Bi sozietateek aseguru orokorren eta bizitza-aseguruen negozioa kudeatzen dute, hurrenez hurren. Euskadiko Kutxak, guztira, 65 milioi euro bideratu ditu eragiketara eta, horren ondorioz, sozietateen % 100en kontrola bereganatu du; beraz, Mondragon Korporazioaren Finantza Arloko barne-eragiketa izan da.

Gehiago irakurri

“Etxebizitzetan eta oro har eraikinetan murriztu egin beharko da energiaren kontsumoa etorkizunean”

2011/12/15

EFFiHEAT izeneko Europa mailako proiektua zuzendu eta koordinatuko du Stirling Zentroak. MONDRAGON Componentes-eko berrikuntza zuzendaria den Javier Arancetarekin hitz egiteko aukera izan dugu.

Gehiago irakurri

Jaurlaritzak antolatutako automozioaren gaineko jardunaldian parte hartu du MUk

2011/12/13

Elgoibarko GLHBI Meka Institutuan Automozioaren gaineko jardunaldiak egin dira aztertzeko sektorearen oraina eta etorkizuna. Eusko Jaurlaritzak eta Lanbide Heziketako Euskal Kontseiluak antolatutako topaketan enpresa pribatuek eta unibertsitateek ere parte hartu dute. David Garridok hitz egin du MUren izenean, auto elektrikoa aurkeztuz.

Gehiago irakurri

Eraikuntza ikasketak on-line egiteko aukera Arizmendi Ikastolako Lanbide Heziketan

2011/12/07

Alecop, LKS, Eraikune erakundea eta beste Lanbide Heziketako bi zentrorekin elkarlanean, Eraikuntza ikasketak Internet bidez egiteko aukera eskainiko du Arizmendi Ikastolak.

Gehiago irakurri

MUk eta MONDRAGONek euskaraz idatzitako gradu amaierako proiekturik onena saritu dute

2011/12/02

Mondragon Unibertsitateak eta MONDRAGON Korporazioak antolatutako sariaren lehenengo edizioa izan da. Sariaren helburua izan da, karrera amaierako proiektuetan euskararen erabilera sustatzea.

Gehiago irakurri

Zilarrezko Bikain saria jaso du Coprecik

2011/12/01

Ebaluzazio irizpide zorrotzak gaindituta, euskararen presentzia, erabilera eta kudeaketan bikaintasuna aitortu diote Aretxabaletako Copreci kooperatibari. Bikain Euskararen Kalitate Ziurtagiria Jaurlaritzak banatzen du urtero.

Gehiago irakurri

Mondragon Unibertsitateko bi ikaslek lehen eta bigarren saria jaso dute 'Get Up Orona' sarietan

2011/11/28

Ingeniaritzako azken urteko Mondragon Unibertsitateko bi ikaslek, Julen Joseba Maestrok eta Beñat Mitxelenak, 'Get Up Orona' sarien bigarren edizioko lehen eta bigarren sariak lortu dituzte. Sari horiek joan den urtean sortu zituen Oronak, ikerketa sustatzeko asmoz, eta unibertsitateko karrera amaitzen duten gazteei dago zuzenduta. Goi Ingeniaritzako azken ikasturteko 14 ikaslek aurkeztu dute Karrera Amaierako proiektua, 'Get Up Orona' sarien bigarren edizio honetara.

Gehiago irakurri

Fagor Automation-ek eta TECNUNeko ikasleek elkarlanean garatu dute auto elektriko bat

2011/11/25

Donostiako TECNUN Ingeniaritza Unibertsitateko ikasleek pasa den hilabetean Montmeloko (Katalunia) Formula Student unibertsitate-lehiaketan parte hartu zuten eta lehenak izan ziren Espainian guztiz elektrikoa den auto bat aurkezten.

Gehiago irakurri

"La crisis financiera, económica y social, y soluciones alternativas" hitzaldia Arizmendi topaketetan

2011/11/22

Datorren ostegunean, azaroak 24, 18:30ean egingo dira 2011ko Arizmendi Topaketak Mondragon Goi Eskola Politeknikoan, Biteri Egoitza Nagusian. Vicenç Navarro soziologo, politologo eta ekonomilariak egingo du hitzaldia.

Gehiago irakurri

Txema Gisasola izango da MONDRAGON Korporazioko Kontseilu Orokorraren hurrengo lehendakaria

2011/11/18

Jose Mari Aldecoaren lekua hartuko du datorren uztailaren 1ean. MONDRAGONeko Kongresu Kooperatiboaren Batzorde Iraunkorrak, Agustin Markaide buru dela, erabaki du Txema Gisasola izendatzea MONDRAGON Korporazioko Kontseilu Orokorraren hurrengo lehendakari izateko

Gehiago irakurri

Konfekoop-ek 2012ko Kooperatiben Nazioarteko urtea aurkeztu du

2011/11/17

Javier Goienetxea Konfekoopeko presidenteak eta Felipe Yarritu Eusko Jaurlaritzako Gizarte Ekonomiako zuzendariak gaur eman dute ezagutzera 2012ko Kooperatiben Nazioarteko Urtearen karietara prestatu den jardueren programa. Euskal kooperatibek nazioarteko ekimen honetan parte hartuko dute, eta horretarako 20 ekitalditik gora prestatu dituzte, ekitaldi instituzional zein ludikoak. Kooperatiben eragin sozio-ekonomikoa euskal jendarteari ezagutzera ematea eta kooperatiben sorrera eta hazkunde autonomoa sustatzea dira programa horren helburuak.

Gehiago irakurri

Gazteria, kooperatiba-enpresaren etorkizuna

2011/11/17

Forokoop eztabaidarako guneak antolatuta gazteriaren eta kooperatibaren etorkizunaren gaineko jardunaldia burutzen ari da gaur Bilbon. Carlton Hotelean MONDRAGON korporazioko, Alecop-eko, Arizmendiarrietaren elkarteko, MUko eta beste zenbait kooperatibetako kideak elkartu dira.

Gehiago irakurri

Maier taldeak Berrikuntzari emandako saria jaso du Euskal Enpresen Topaketan

2011/11/15

Euskal Enpresen Topaketa Sariak eman zituen astelehenean Euskadiko Kutxak eta EITB Taldeak, eta Mondragon Korporazioko Maier kooperatibak Berrikuntzari emandako saria irabazi zuen. Izar Cutting Tools enpresako Carlos Pujanak Euskal Manager delako saria irabazi zuen, eta Ingeteam-eko Javier Madariagari bizitza osoa enpresari eskaini izanagatik eman zioten saria. Makilak Bilboko Bazkundearendako eta Deustuko Unibertsitatearendako izan ziren.

Gehiago irakurri

Ulma taldeko bi negozio berezitu izango dira aurrerantzean Eraikuntza eta Packaging

2011/11/09

Ulma Construccion eta Ulma Packaging bereiztu egin dira. Oñatiko kooperatibako Eraikuntzako eta Packagingeko bazkideek batzarra zuten atzo, asteartea, Ulma barruan negozio bereko parte izaten jarraitu edo bi negozio berezitu bilakatu erabakitzeko, eta bigarren aukera horren alde egin zuten, gehiengoz, bazkideek.

Gehiago irakurri

Hazitegi ikerketa taldeak bi liburu argitaratu ditu haurraren ongizateaz

2011/11/01

Udazken honetan Hazitegi taldeak bi liburu kaleratuko ditu, Eusko Jaurlaritzak diruz lagunduta: 'Haurraren ongizatea 1. Oinarri psikopedagogikoak' eta 'Haurraren ongizatea 2. Hezkuntza proposamenak'.

Gehiago irakurri

Eguraldia
Larunbata 19 Min: 13
Max: 21
Igandea 20 Min: 9
Max: 15
Astelehena 21 Min: 6
Max: 17
Bideoak


+ Bideo gehiago

Papereko edizioa
Jarraitu twitterren
LagunAro

Iradokizunak

iradokizunak