Zibersegurtasuna etorkizunerako giltzarri bezala

LKS, maiatzaren 10 eta 11an Kursaalean egingo den Gipuzkoa Industry Sec 2018 kongresuaren antolaketa lanetan dihardu.
Card image cap
2018/05/07

"Enpresa industrial ziberseguruak, Gipuzkoaren etorkizunerako giltzarri" izango da Gipuzkoako Foru Aldundiak antolatu duen kogresuaren gai nagusia. LKS ere antolaketa lanetan ari da eta hizlarien artean Joane Montero izango da, LKSko abokatu aditua.

Horrez gain, hizlarien artean lehendabiziko egunean, maiatzaren 10ean, Urku Zurutuza ere izango da, Mondragon Unibertsitateko ikerlaria. Eta gainera, kasu errealen artean arrakastatsuak suertatu diren Ulma eta Danobateko kasuak aztertuko dira.

Eguneko egitaraua osotasunean hemen kontsultatu daiteke: 

Gipuzkoa Industry Sec 2018 Kongresua

Hausnarketarako datu batzuk

Ba al zenekien enpresa gipuzkoarren % 84ak euren ekoizpen-ekipoak sare korporatibo edo publikoetara konektatuta dauzkatela?, eta hirutik batek aitortzen duela ziberbabes protokolo egokirik ez daukala? Halaber, enpresen % 53ak ziber erasoren bat berriki jasan izana onartu duela bazenekien? Guzti hau esanda, prestatuta al dago zure enpresa?

Etorkizun hurbilean, Gipuzkoako enpresa industrial guztiak digitalizatuta egongo dira hein handi baten. Eta zibersegurtasuna ezinbesteko tresna da berauen lehiakortasunean eta nazioartekotzean.

Zibersegurtasunaren alde egitea, zure enpresaren etorkizunaren alde egitea da, ezbairik gabe. Eta gure enpresek Gipuzkoan, ZIUR Zibersegurtasun Industrialeko Zentro Aurreatua eta alor honetan espezializatutako enpresen sarea izango dituzte bidelagun.

Irtenbide profesionalak.