Irakurriena
- 1. Gipuzkoako Bazkundeak saria eman dio MLAKoop kooperatibari
- 2. Arkaitz Etxezarreta, Errekako zuzendari nagusi berria
- 3. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 4. Espainiako Bankuko gobernadoreak MONDRAGON bisitatu du
- 5. Errekak Darwin Biomed startuparekin bat egin du, Health linea bultzatzeko helburuarekin
- 6. Ingeniaritza eta Zerbitzuen Dibisioa Advanced Factories-en egongo da
- 7. Arizmendi ikastola, 20 urte
- 8. Parte-hartze handia LagunAro BGAEren 2024ko ohiko batzarrean
- 9. LKS Next Estatuko lehen 100 teknologikoen artean, 2023ko fakturazioaren arabera
- 10. Kooperatiben Korrikako argazki galeria ikusgai
Ulma Taldeak 314 M€-ko akordio bat lortu du hazkunde estrategikorako hartutako apustua sendotzeko
Hedabideetara bidalitako oharrean “eragiketa horrekin saritu egiten da Ulmak egindako kudeaketa bikaina; izan ere, jakin izan du nazioarteko krisiak, zeinak eraikuntzaren sektorea bereziki gogor jo duen Espainian, ekarritako garai aztoratuari ondo erantzuten” esaten da. “Ulmak krisiaren aurreko negozio mailak berreskuratu ditu, eta horrekin batera asko gutxitu du bere zorra” gaineratzen da.
Bultzada finantzieroa
Eragiketa izugarrizko laguntza da talde kooperatiboarentzat.Akordio horrek bi zati ditu; batetik, 150 milioi euroko mailegu bat, sei urterako, eta, bestetik, zirkulatzailea finantzatzeko lerro batzuk, 164 milioi euroren balio dutenak, bi urterako.Guztira, 314 milioi euro dira, eta Ulma Taldearen apustu estrategikoa bultzatzeko eta etorkizuneko hedapenerako erabiliko dira. Akordioa duela gutxi izenpetu da banku hauek osatutako poolarekin: Santander, BBVA, Popular, Sabadell, Caixabank, Laboral Kutxa, Bankinter eta Caja Rural de Navarra.
MONDRAGONeko kide den industria taldeak azken 5 urteetan izan duen bilakaera onari esker gertatu da eragiketa hau; izan ere, denbora horretan Ulmak finantza egitura indartu eta bere zorra murriztu du, hori estrategia gisa erabilita.
“Azken urteetan egindako lan zorrotza eta zehatzaren eta ahaleginen emaitza da eragiketa, eta proiektu berriei ekin, jarduera berriak garatu eta hazkuntza sendo eta iraunkorrari eusteko posizio onean kokatzen gaitu”, ziurtatu du Ulma Taldeko zuzendari nagusi Iñaki Gabilondok.