Irakurriena
- 1. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 2. Espainiako Bankuko gobernadoreak MONDRAGON bisitatu du
- 3. Errekak Darwin Biomed startuparekin bat egin du, Health linea bultzatzeko helburuarekin
- 4. Ingeniaritza eta Zerbitzuen Dibisioa Advanced Factories-en egongo da
- 5. Arizmendi ikastola, 20 urte
- 6. Parte-hartze handia LagunAro BGAEren 2024ko ohiko batzarrean
- 7. LKS Next Estatuko lehen 100 teknologikoen artean, 2023ko fakturazioaren arabera
- 8. Kooperatiben Korrikako argazki galeria ikusgai
- 9. Aldapako Korrika arrakastatsua
- 10. Laboral Kutxaren 'Zentzua' esperientzia, TU Lankideren gai nagusia
'Think Future Industry' izeneko jardunaldia egin du Ikerlanek gaur Arrasateko bere egoitzan
45 urte daramatzate Ikerlanen soluzioak eskaintzen industria arloko erronkei. Teknologiak pasioa eragiten du Arrasateko ikerketa gunean eta kooperazioan lan egitera ohituak dira, bezero eta proiektu ezberdinen garapenean. Gaur, Ikerlanek, bere egoitza nagusiko ateak zabaldu nahi izan ditu, eta bezero, hornitzaile eta Instituzioetako ordezkariekin teknologiaren eta etorkizunaren gaineko jardunaldia egin dute. "Irudikatu ezazue etorkizuneko teknologia, elkarrekin egingo dugu eta proiektu bideragarriekin", adierazi diete bisitari eta gonbidatuei Ikerlaneko ordezkariek.
Estibaliz Hernaez, Eusko Jaurlaritzako Teknologia, Berrikuntza eta Lehiakortasun sailburuordea
Jardunaldia 15:30ean hasi da laborategi ezberdinetara egin dituzten bisita gidatuekin. Hala, hiru laboratorio bertatik bertara ezagutzeko aukera izan dute bertaratutakoek: Elektronika, Informazio eta Komunikazio arloetako laborategiak; Fabrikazio Aurreratuko laborategiak; eta Energia eta Potentzia-Elektronikako laborategiak.
Ikerlanek bere egoitza nagusiko ateak ireki nahi izan ditu eta bezero nagusienekin etorkizuneko teknologiak irudikatzeko jardunaldia egin du
16:30tik aurrera hitzaldi eta mahai inguru ezberdinen txanda izan da, egun berezirako, egokitutako esperimentazio gune berrian.
Besteak beste, honako hauek parte hartu dute, hurrenez hurren; Jose.Mari Balzategi, Ikerlaneko presidentea; Estibaliz Hernaez, Eusko Jaurlaritzako Teknologia, Berrikuntza eta Lehiakortasun sailburuordea; Marcelino Caballero, Ikerlan-eko zuzendari orokorra; Luis Mir, Salvador Trujillo eta Aron Pujana, Ikerlan-eko ikerlariak; y Ion Etxeberria, Ikerlaneko Pertsonen Gestioko zuzendaria.
Era berean, azken mahai inguru batean, Ikerlaneko gaur egungo bezero garrantzitsuenetako batzuek hartu dute hitza. Hala, mahai ingurua egin dute; CAF, GH Cranes, Orona eta LKS Next enpresetako ordezkari banak.