Saio irekia: elikadura osasuntsua lanean

Osartenek antolatu duen saioa datorren azaroaren 29an egingo da, 18:30ean Donostiako Kursaalean.
Card image cap
2018/11/22

Elikadura osasuntsuari buruzko saio irekia bi pertsonek zuzenduko dute: Xabier Gutiérrez Márquez eta Leila Pérez Venturinok. Horrez gain, saioaren baitan banatuko dira Tupper Osasungarria lehiaketako sariak, Osartenek pasa den urriaren 1ean martxan jarri zuen lehiaketa.

Xabier Gutierrez Marquez: berak dioenez idazlea-psikologoa-sukaldaria-pentsalaria da; hala definitzen du bere burua. Mende laurdena baino gehiago da Arzak jatetxearen berrikuntza departamentua gidatzen ari dela. Horrez gain, dozena bat liburu idatzi ditu gastronomiaz, hala nola hauek: “Renueva tus recetas de siempre”, “Abre la nevera y cocina con lo que encuentres”. Halaber, “Los aromas del crimen” izeneko tetralogiaren eta izen bereko blogaren egilea da. 

Leila Perez Venturino: giza nutrizioan eta dietetikan diplomaduna; 10 urte baino gehiago dira nutrizioaren gaineko aholkuak eta heziketa ematen dituela kontsultan. Un-diet Lascaray Ikerketa Zentroko Elikagaien Osasuneko Unitatearen zuzendaria eta sortzaileetako bat. Hitzaldi eta tailer ugari eman ditu eta, horrez gain, "Guía Práctica de la Alimentación Saludable" liburuaren lanketan parte hartu du, Vitoria-Gasteizko Behatoki Nutrizionalerako 2013an argitaratu zen “La nevera de los solteros sanos” izeneko liburuaren egiletako bat ere bada. Komunikabide batzuetako ohiko kolaboratzailea da, esaterako irratian eta telebistan. Gaur egun Hospital Vithas San Jose-n egiten du lan. 

Lan arriskuen prebentziorako zerbitzu komuna