Irakurriena
- 1. Gipuzkoako Bazkundeak 2024ko Gipuzkoako Enpresa saria eman dio MLAKoop kooperatibari
- 2. Arkaitz Etxezarreta, Errekako zuzendari nagusi berria
- 3. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 4. Espainiako Bankuko gobernadoreak MONDRAGON bisitatu du
- 5. Errekak Darwin Biomed startuparekin bat egin du, Health linea bultzatzeko helburuarekin
- 6. Ingeniaritza eta Zerbitzuen Dibisioa Advanced Factories-en egongo da
- 7. Arizmendi ikastola, 20 urte
- 8. Parte-hartze handia LagunAro BGAEren 2024ko ohiko batzarrean
- 9. LKS Next Estatuko lehen 100 teknologikoen artean, 2023ko fakturazioaren arabera
- 10. Kooperatiben Korrikako argazki galeria ikusgai
Ospakizun eguna Gasteizko Loramendi kooperatiba industrialean
Aintzindaria da Loramendi nazioartekotze prozesuan. Izan ere, igaro dira 30 urte bulegoak ireki zituztenetik Alemanian eta Txinan. Gaur egun, Loramendik Gasteizen dauka lantegi nagusia eta sare komertziala kontinente guztietara hedatu du. Hain justu ere, gaur gaurkoz, produkzioaren %95 mundu mailan saltzen du.
Gaur gaurkoz, produkzioaren %95 mundu mailan saltzen du
Gasteizen 160 langile ditu kooperatibak eta gasteiztik kanpo beste 60, mundu guztian banatuta. Era berean, esan daiteke gaur egun zeharkako eragina ere baduela Euskadiko hiriburuko 500 bat familiengan.
45.urteurreneko ekitaldia
Goizeko 10etan ekin ziren 45.urteurrenaren ospakizun ekintzak. Hain justu ere, ordu horretan abiatu ziren bisita gidatuak. Ondoren, bertaratutakoek aukera izan zuten produkzio linea ezberdinak ezagutzeko, bereziki Loramendik Indiara, Frantzaiara eta Alemaniara saldu dituen hainbat linea bertatik bertara ikusteko aukera izan zen.
Ikus-entzunezkoen aretoan ere produktu eta proiektu ikusgarrienen emanaldia izan zen eta senide zein lagunek Loramendiren showroom-a bisitatzeko aukera ere izan zuten.
Fundiziorako proiektu automatizatuak eskaintzen ditu Loramendik, Estatuan abangoardia teknologikoan dauden produktuak, eta ate irekiak aprobetxatu zituzten produktu eta zerbitzu horiek erakusteko.
Erakustaldiaren ondoren, kooperatibako gerente de Joseba Goitiak hartu zuen hitza eta ondoren Alberto Miguel presidenteak. Haien hitzaldien ondoren, ohorezko aurreskua dantzatu zuen dantzari batek bazkide sortzaileen omenez. Ekitaldiaren amaieran, Agustin Arana Loramendi S.A.ko sortzaileak ere aitortza jaso zuen eta magia ikuskizuna izan zen etxeko txikienentzat.
Jardunaldiko argazki guztiak hemen.