Irakurriena
- 1. Kooperatiben Korrikako argazki galeria ikusgai
- 2. Aldapako Korrika arrakastatsua
- 3. Laboral Kutxaren 'Zentzua' esperientzia, TU Lankideren gai nagusia
- 4. 'Nature' aldizkariaren arabera desberdintasunaren aurkako eta jasangarritasunaren aldeko eredua da MONDRAGON
- 5. MONDRAGONeko kooperatibek 55 kilometro eta hamarnaka ekimen Korrikan
- 6. Bexen Cardiok bat egin du Korrika 23rekin
- 7. Fagor Electrónicak Triax Digital Solutions (TDS) erosi du, egoitza eta hirugarren sektorerako multimedia soluzioen merkatua gidatzeko
- 8. Nerea Aranguren, DanobatGroupeko eta MIAko zuzendari nagusia eta MONDRAGONeko lehendakariorde berria
- 9. Kooperatibismoaren emakume aitzindariak omen dituzte Kooperatiben Kontseiluak eta Konfekoopek
- 10. 74ko sortzaileei omenaldia egin diete Aurrenak kooperatiban
MUko Ikus-entzunezko Komunikazioa graduko campus berria zabalik
Campus aldaketa oso positiboa izan dela adierazi digu Aitor Zuberogoitia Mondragon Unibertsitateko Komunikazio arloko koordinatzaileak, Ikus-entzunezko Komunikazio graduan bakarrik dagoelako oinarrituta. Ikasleek, besteak beste, leku gehiago eta materiala erreserbatu eta erabiltzeko abantaila berriak dituzte.
Berrikuntzak eta eskaintzak
Eskoriatzako fakultatean lau edizio gela zeuden eta orain Aretxabaletan, berriz, zortzi edizio gela daude. Liburutegia, berriz, Ikus-entzunezko Komunikazioko graduko materialaz dago oinarrituta eta leku gehiago dago ikasle zein irakasleentzat campus osoan. Horrez gain, beste berrikuntza bat egin dutela adierazi zigun Aitor Zuberogoitiak: “Ikasleek txartel bat izango dute gauerdi rarte unibertsitatera sartzeko, lehen arazoak izaten baizituzten klase orduetatik kanpo lan egiteko orduan eta”.
IKOko 3.mailakoei ekintzailetasuna sustatu nahi diete. Horretarako ikasgai berri bat daukate ikasleek Design Thinking izenekoa, ekintzailetasuna eta sormena erabiliz produktu bat osatzeko. 4. mailakoek, aldiz, Ikus-entzunezkoen Enpresen Kudeaketa eta Eraketa ikasgaia izango dute helburu berdina lortzeko.
Finantziazioa
Gaur egun dagoen egoerarekin arazo asko izan dituzte baimenak lortzeko. Apustu handia izan da, baina nahiz eta urte batzuk itxaron, emaitzarekin gustura agertu dira irakasle eta ikasleak.
Epe luzeagorako berrikuntzak
Campusa ez dago guztiz amaiturik, baina denborarekin falta diren gauzak egitea espero dutela adierazi zigun Aitor Zuberogoitiak. Bitartean, Aretxabaletako Udalarekin eta Goienarekin partekatuko dituzte instalazio batzuk. Proiekzioak, Komunikaldiak eta Huhezinema egiteko Aretxabaletako Arkupe aretoa erabiliko dute eta platoaren erabilera berriz, Goiena Telebista egingo dute.