MONDRAGONek master dualak egiteko 100 beka eskaintzen ditu

Korporatiboa

MONDRAGON Korporazioko 18 enpresek, Mondragon Unibertsitatearekin elkarlanean, ingeniaritzan ikasketak eta lana elkarbanatzeko aukera aurkezten dute beka hauekin.

2019/05/10

Sektorean liderrak diren MONDRAGON Korporazioko 18 enpresek, ingeniaritzan master bat egiteko 100 beka eskaintzen dituen ekimena jarri dute abian.

Industria 4.0an etorkizuneko lanbideekin zer ikusia duten programak dira, denak ere, Goi Eskola Politeknikoak eskainitakoak:

Produktu eta Zerbitzuen Diseinu Estrategikoa
Energia eta Potentzia Elektronika

Industria Ingeniaritza
Enpresa Berrikuntza eta Proiektu Zuzendaritza
Robotika eta Kontrol Sistemak

Datuen Analisia, Zibersegurtasuna eta Hodei-Konputazioa

Maiatzaren 16an, Bilbao Berrikuntza Faktorian ekitaldia

Ekimen berri honen baitan, MONDRAGON Korporazioak eta Mondragon Unibertsitateak topaketa bat antolatu dute maiatzaren 16rako, osteguna, Bilbao Berrikuntza Faktorian (17:00-20:00).

Bertan, 18 enpresek Abantail, Copreci, Danobatgroup, Fagor Arrasate, Fagor Ederlan Group, Fagor Electrónica, Erreka, Domusa, Ikerlan, Kide, IK-4 Ideko, Loramendi, Maier, Mondragon Assembly, Orbea, Ulma Packaging, Ulma Handling Systems y Ulma Embedded Solutions) eta unibertsitate masterretan interesaturik daudenek bat egin ahal izango dute, aurrez aurreko lehen kontaktu bat ezartzeko.