Ekintzailetasuna, dibertsifikazioa eta enpresa-jarduera berrien sorrera sustatzeko MONDRAGON Korporazioaren plataforma korporatiboa gara.
Irakurriena
- 1. Kooperatiben Korrikako argazki galeria ikusgai
- 2. Aldapako Korrika arrakastatsua
- 3. Laboral Kutxaren 'Zentzua' esperientzia, TU Lankideren gai nagusia
- 4. 'Nature' aldizkariaren arabera desberdintasunaren aurkako eta jasangarritasunaren aldeko eredua da MONDRAGON
- 5. MONDRAGONeko kooperatibek 55 kilometro eta hamarnaka ekimen Korrikan
- 6. Bexen Cardiok bat egin du Korrika 23rekin
- 7. Fagor Electrónicak Triax Digital Solutions (TDS) erosi du, egoitza eta hirugarren sektorerako multimedia soluzioen merkatua gidatzeko
- 8. Nerea Aranguren, DanobatGroupeko eta MIAko zuzendari nagusia eta MONDRAGONeko lehendakariorde berria
- 9. Kooperatibismoaren emakume aitzindariak omen dituzte Kooperatiben Kontseiluak eta Konfekoopek
- 10. 74ko sortzaileei omenaldia egin diete Aurrenak kooperatiban
MONDRAGONek jarraitzen du bere kooperatibei balioa hurbiltzen, bi startup berritan inbertituz
MONDRAGON, bere Sustapen Funtsaren bitartez, inbertsio eragiketa bana egin berri ditu bi startupetan. Korporazioaren nahia da ekintzailetzarako eta negozio berriak sustatzeko ahalmena aktibatzea, enpresa gazte eta hazteko gaitasuna dutenen alde eginez.
HWS Concrete Towers SL (HWS)
Donostian dagoen enpresa bat da, obra zibileko eta sektore eolikoko esperientzia arrakastatsuak uztartzen dituena, energia eolikoaren sektorean soluzio berritzaileak garatzen espezializatuta dagoena.
Bere produktuen artean nabarmentzen dira AirCRANE garabi autoigokaria, gorantz doala hormigoizko dorre bat eraikitzeko gaitasuna duena eta azkenean aerosorgailua muntatzen amaitzen duena; AirTOWER, hormigoizko dorre baten sekzioetarako soluzio patentatua; eta AirBASE, aerosorgailuen zimenduak egiteko soluzio arin, modular, aurrefabrikatua.
Soluzioak Europako Batzordeak kofinantzatu ditu, “Horizon 2020-SME Instrument, 2. fasea” programaren bitartez, aurrekontu globala 2 milioi eurotik gorakoa izanik.
Gaur egun, konpainiak kapital zabalkundea egin du, MONDRAGON Korporazioak gidatuta, Sustapen Funtsaren bitartez, eta, halaber, bere kooperatibetako bat ere kofinantzatzaile izan da, MATZ ERREKA SCoop (sektore horretan presente zegoen dagoeneko, finkapen elektrikoetarako soluzioak emanez), eta CDTI bera, INNVIERTE programaren bitartez, beste bazkide minoritarioekin batera. Eragiketa ixteko, banku pool batek ekarpenak egin ditu, enpresari milioi bat euro baino gehiagoko baliabide berriak emateko, hazkunde faseari ekiteko.
OROI
Egungo testuinguruan, mundu osoan milioika pertsona heldu egoitzetan bizi dira, mugatuta, eta adinekoen berezko arazoekin (menpekotasuna, mugikortasun falta, antsietatea edo narriadura kognitiboa), eta profesionalek tresnak behar dituzte, arazo horiei aurre egiteko ez ezik, adinekoen egunerokotasuna eramangarriago bihurtzeko ere.
Helburu horrekin sortu zen OROI, errealitate birtualeko esperientziak biltzen dituen plataforma bat, adineko emozioak suspertzera zuzenduta, aukera emanez esperientzia asegarriak bizitzeko, gaur egungo mugengatik dagoeneko ezingo dituzten lekuak bisitatuz (esaterako, ingurune natural ederrak bisitatzea, nazioarteko hiriak bisitatzea, etxaldeak, etab.). Halaber, OROIren soluzioek entretenimendua eta adinarekin galtzen diren funtzioak entrenatzera zuzendutako ariketak uztartzen ditu, hala nola memoria, arreta edo hizkuntza.
Startup horrek arrakastaz itxi du bere lehenengo finantzaketa erronda, 400.000€-rekin. Erronda horretako liderra Easo Ventures izan da, eta MONDRAGONen inbertsioa ere izan du, Sustapen Funtsaren bidez, eta bere kooperatibetako baten koinbertsioa, GSR, Gestion de Servicios Residenciales S. Coop., zeinak jada hogeita hamar inguru egoitza eta eguneko zentro kudeatzen baititu, etxeko laguntza zerbitzuak egiteaz gain.
Kapital zabalkunde horrek, gainera, Oroiri ahalbidetuko dio bere negozioa Frantzia, Alemania edo Finlandia bezalako herrialdeetan hedatzea.