Industria eremuko Euskadiko hitzordurik handienean izango da MONDRAGON

Enpresen Egokitze-Diseinu prozesuaren optimizazioa eta automatizazioa

Makina erremintaren diseinua eta fabrikazioa

MONDRAGON taldeko makina-erreminta dibisioa

Automatizazio produktuen garapena eta fabrikazioa eta makinaria kontrola

Makina erreminta eta fabrikazio teknologien zentro teknologikoa

Ingeniaritza eta arkitektura

Irtenbide profesionalak.

Automatika, informatika industriala eta telekomunikazioak

Makina erreminta

Makina-Erremintaren Bienalak gaur eguerdian ireki ditu ateak Barakaldoko BECen. Bost egunez, ekainaren 3tik 7ra, sektoreko aktore nagusienek bat egingo dute azoka handian. MONDRAGON Korporazioa bertan izango da, taldeko sei kooperatibarekin eta ikerketa gune batekin.

2024/06/03

Iñigo Urkullu lehendakariak inauguratu du gaur eguerdian BIEMH 2024, industria eremuko Euskadiko azokarik handiena. Nazioarteko izaera du Bienalak eta, besteak beste, 29 herrialde ezberdinetako teknologia izango da ikusgai, baita 75 herrialdetako bisitariak ere. Aurten Mexiko izango da gonbidatu berezia, eta Mexikoko erakunde eta instituzioak gerturatuko dira, baita herrialdeko 70 enpresatako ordezkariak ere, asko eta asko automozio sektorekoak.

Guztira 1.558 erakusle izango dira aurten BECen, eta horiek guztiek 3.593 produktu eta zerbitzu erakutsiko dituzte

Guztira 1.558 erakusle izango dira aurten BECen, eta horiek guztiek 3.593 produktu eta zerbitzu erakutsiko dituzte. Bienalak aurten 63 urte bete ditu, eta dagoeneko hogeigarrena du Barakaldon, San Mameseko gunean urte asko egin ondoren. Aurtengo hitzorduak, gainera, berrikuntzaren aldeko apustu tinkoa egingo du.

Soraluce eta Danobat kooperatibetako ordezkariak Danobatgroup-en babespean izango dira BIEMH 2024an.

MONDRAGON Korporazioa, 6 koop. industrial eta berrikuntza gune bat

MONDRAGONek ordezkaritza zabala izango du aurtengo azokan. Besteak beste, industria eremuan zerbitzuak eta produktuak eskaintzen dituzten sei kooperatiba izango dira Bienalean. Horien artean; Abantail, MSI Taldea eta LKS Next kooperatibek, interkooperazioan eskaintzen duten 'smart factories' proposamena bertatik bertara ikusteko aukera izango da. Lantokien digitalizazio prozesuetan lan handia egin dute MONDRAGONeko aipatu kooperatibek.

IMG_0315[1].JPG

Elena Zarraga (LKS Next-eko zuzendari nagusia) eta Sonia Ortubai (Abantail-eko zuzendari nagusia), bi enpresek eta MSI Taldeak partekatzen duten erakustokian.

Aipatu kooperatibez gain, Fagor Automationek eta Danobatgroup-ek euren berrikuntzak aurkeztuko dituzte, eta Idekok bere katalogoko produktu eta soluzio berritzaileenak erakutsiko ditu.