Irakurriena
- 1. Gipuzkoako Bazkundeak 2024ko Gipuzkoako Enpresa saria eman dio MLAKoop kooperatibari
- 2. Arkaitz Etxezarreta, Errekako zuzendari nagusi berria
- 3. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 4. Espainiako Bankuko gobernadoreak MONDRAGON bisitatu du
- 5. Errekak Darwin Biomed startuparekin bat egin du, Health linea bultzatzeko helburuarekin
- 6. Ingeniaritza eta Zerbitzuen Dibisioa Advanced Factories-en egongo da
- 7. Arizmendi ikastola, 20 urte
- 8. Parte-hartze handia LagunAro BGAEren 2024ko ohiko batzarrean
- 9. LKS Next Estatuko lehen 100 teknologikoen artean, 2023ko fakturazioaren arabera
- 10. Kooperatiben Korrikako argazki galeria ikusgai
Mondragon Goi Eskola Politeknikoak ekitaldi hunkigarri batekin ospatu du urteurrena Kursaalean
Mondragon Goi Eskola Politeknikoak 75. urteurrena ospatzeko ekitaldi instituzionala ospatu zuen pasa den ostiralean, maiatzaren 18an, Donostiako Kursaal jauregian.
Ekitaldia Carlos Garcia Mondragon Goi Eskola Politeknikoko koordinatzaile nagusiak gidatu zuen eta adierazu zuen bezala, “ekintza hori Arizmendiarrietaren funtsezko ikuspegiaren erakusgarri da, haren ustez hezkuntza delako bestelako gizarte-ordena, gizatiarra eta bidezkoa, sustatzeko oinarri naturala eta ezinbestekoa”.
Ekitaldiaren hasiera, bideo-emanaldia egin zen, historia eta une garrantzitsuenak errepasatzen dituena.
Jarraian, Vicente Atxa Mondragon Unibertsitateko errektoreak hitz egin zuen, eskolaren bilakaera gogoratzeko eta etorkizuneko erronken inguruko gogoeta plazaratzeko. Era berean, Errektoreak gogora ekarri zuen eskola funtsezkoa izan dela Mondragoneko mugimendu kooperatibistan. “Garrantzitsua izan da eta da eskualdearen, Gipuzkoaren eta Euskadiren industria-garapenean. Mondragon Unibertsitatearen ernamuina izan zen eta, gaur egun, bertako Ingeniaritza fakultatea da”, nabarmendu zuen.
Omenaldi beroa
Javier Retegui Ayastui, Juan Leibar, Pilar Uribetxebarria eta Jose Luis Madinagoitia omendu zituzten ekitaldian zehar, urte hauetan Eskolaren historiarekin harreman zuzena izan dutela aitortzeko. Guztiak Kursaaleko agertokira igoeta l ore-sorta bana jasoko zuten Juan Mari Palencia (Kontseilu Errektoreko lehendakaria), Maria Asun Sarrionandia (Kontseilu errektoreko lehendakariordea) eta Vicente Atxa errektorearen eskutik.
Halaber, Carlos Garciak esker ona adierazi zien erakundeei, hezkuntza- eta gizarte-proiektua laguntzeagatik, gizartean eragin handiagoa lortzea sustatzeagatik.
Eta ekitaldiari amaiera emateko Iñigo Urkullu Lehendakaria igo zen agertokira eta ukatzeko, Alos Quartet taldeak musika-emanaldia eskaini zuen.
Diploma-banaketa 445 ikasleri
Ekitaldian zehar urte hauetan guzietan protagonista izan direnak ere presente izan ditu Eskola Politeknikoak: ikasleak. Horregatik, ekitaldi instituzionalaren aurretik, diplomak banatu zituzten eta Mondragon Unibertsitateko Goi Eskola Politeknikoan Ingeniaritzako gradu-, master- eta doktoretza-ikasketak iaz amaitu zituzten 445 ikaslek jaso zituzten diplomak.