Irakurriena
- 1. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 2. Espainiako Bankuko gobernadoreak MONDRAGON bisitatu du
- 3. Errekak Darwin Biomed startuparekin bat egin du, Health linea bultzatzeko helburuarekin
- 4. Ingeniaritza eta Zerbitzuen Dibisioa Advanced Factories-en egongo da
- 5. Arizmendi ikastola, 20 urte
- 6. Parte-hartze handia LagunAro BGAEren 2024ko ohiko batzarrean
- 7. LKS Next Estatuko lehen 100 teknologikoen artean, 2023ko fakturazioaren arabera
- 8. Kooperatiben Korrikako argazki galeria ikusgai
- 9. Aldapako Korrika arrakastatsua
- 10. Laboral Kutxaren 'Zentzua' esperientzia, TU Lankideren gai nagusia
Leartiker nazioarteko FAKUMA azokan izan da garapen berriak aurkezten
José Javier Egurrola, Leartiker Polymer R&D-ko zuzendariak azpimarratu du mota honetako ekitaldietan parte hartzearen garrantzia, izan ere material berrien azterketetan, diseinuan eta prototipoen garapenean interesatuta dauden nazioarteko enpresa askorekin harremanetan jartzeko aukera paregabea izan da.
Azoka honetan parte hartzea, plan estrategikoaren baitan nazioartekotzearen estrategian jasota dago, Europan zentroak duen presentzia handitzeko helburuarekin.
Ohiko zerbitzuak aurkeztu ditu: material eta produktuen diseinua, prozesuen karakterizazioa, ... eta horretaz gain, 3D inprimatzeko Tumaker enpresarekin duen lankidetza ere azpimarratu du, material espezifikoak garatu baitituzte 3D inprimagailuetarako.
Azoka 12 aretok osatu dute eta 1700 erakusketari baino gehiago izan dira, gehienak lehengaietara eta eraldaketa prozesuetara bideratuta. Bisitarien artean, Italiako eta Suitzako publikoa izan arren gehiengo handiena alemaniarra da. Era berean, nabarmentzekoa da, Errusiako enpresen interesa prozesuen eta materialen garapenean.
Plastikoaren industrian 30 urte baino gehiago duen nazioarteko Fakuma azoka, plastikoak prozesatzera bideratzen diren enpresentzat funtsezko zita bihurtu da.
FAKUMA azokak 23. edizio honetan, plastikoen industriaren etorkizuneko erronkak hartu ditu, hainbat gairen azterketarekin esaterako: medikuntzako ingeniaritzara plastikoen aplikazioa, baliabideen kontserbazioaren garrantzia, eraikuntza arina, eta energia eraginkortasuna.