Irakurriena
- 1. Gipuzkoako Bazkundeak saria eman dio MLAKoop kooperatibari
- 2. Arkaitz Etxezarreta, Errekako zuzendari nagusi berria
- 3. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 4. Espainiako Bankuko gobernadoreak MONDRAGON bisitatu du
- 5. Errekak Darwin Biomed startuparekin bat egin du, Health linea bultzatzeko helburuarekin
- 6. Ingeniaritza eta Zerbitzuen Dibisioa Advanced Factories-en egongo da
- 7. Arizmendi ikastola, 20 urte
- 8. Parte-hartze handia LagunAro BGAEren 2024ko ohiko batzarrean
- 9. LKS Next Estatuko lehen 100 teknologikoen artean, 2023ko fakturazioaren arabera
- 10. Kooperatiben Korrikako argazki galeria ikusgai
LANBAI enplegu eta formakuntza azoka, ekainaren 6an Arrasaten
"Lan munduarekin harremanetan jarri nahi duzu? Etorri LANBAI azokara" lemapean aurkeztu da Mondragon Unibertsitateak antolatu duen I. enplegu eta formakuntza azoka.
Datorren ekainaren 6an, osteguna, ospatuko da Garaia Berrikuntza Guneko 11 eraikinean, arratsaldeko 3etatik 7etara.
Hiru gune bereiztuko dira. Alde batetik aukera egongo da lan poltsetan izena emateko: MUko enplegu eta orientazio zerbitzuan, MUko lan poltsan eta Novia Salcedo Fundazioan.
Horretaz gain, enpresa gunea bereiztuko da eta bertan hainbat enpresen stand-etan curriculumak jasoko dira, egungo lan merkatuari buruzko informazioa eskainiz. Honako enpresa hauek hartuko dute parte: Orona, Caja Laboral, IK4, Danobat, Fagor Arrasate, Irizar, Arizmendi ikastola, San Viator Ikastola, Hekimen elkartea, CAF, EITB, Cikautxo, Decathlon, Olabide ikastola, Batz, LKS, Ingeteam eta abar.
Eta hirugarren gunea formazio gunea izango da. Mondragon Unibertsitateak duen eskaintza azaltzeko esparrua izango da: unibertsitate masterrak, profesionalentzako graduondoak, heziketa zikloak, eta abar.