Irakurriena
- 1. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 2. Espainiako Bankuko gobernadoreak MONDRAGON bisitatu du
- 3. Errekak Darwin Biomed startuparekin bat egin du, Health linea bultzatzeko helburuarekin
- 4. Ingeniaritza eta Zerbitzuen Dibisioa Advanced Factories-en egongo da
- 5. Arizmendi ikastola, 20 urte
- 6. Parte-hartze handia LagunAro BGAEren 2024ko ohiko batzarrean
- 7. LKS Next Estatuko lehen 100 teknologikoen artean, 2023ko fakturazioaren arabera
- 8. Kooperatiben Korrikako argazki galeria ikusgai
- 9. Aldapako Korrika arrakastatsua
- 10. Laboral Kutxaren 'Zentzua' esperientzia, TU Lankideren gai nagusia
LABORAL kutxaren Ba1 kalifikazioa berretsi egin du Moody's’-ek
Kalifikazioak berresteak agerian utzi du, alde batetik, LABORAL Kutxaren aktiboen kalitatearen bilakaera 2013ko bigarren hiruhilekoan, sektorearen batez bestekoa baino askoz narriadura txikiagoa izan baitute; eta bestetik, Espainiako finantza-sistemaren inguru zailari egokitzeko gaitasuna.
Moody’s-ek LABORAL Kutxaren berankortasun-indizea azpimarratu du, 2013ko ekainaren bukaeran % 7,9koa baitzen, sektorearen batez besteko % 12koa baino askoz hobea. Laboral Kutxaren indizeak % 0,8 gora egin du 2013ko bigarren hiruhilekoan, eta sistemarenak batez beste % 1,1.
Era berean, bizitegitarako hipoteka-zorroaren narriaduraren aurkako erresistentzia azpimarratu du kalifikazio-agentziak. Laboral Kutxaren kreditu guztien bi heren hartzen ditu zorro horrek. Aztertutako epealdian, 2013ko bigarren hiruhilekoan, zorro horretako aktibo narriatuak % 2,1etik % 2,2ra igo dira (% 0,1eko hazkundea). Sektorean, epealdi berean, hazkundea batez beste % 1ekoa izan da, % 4,9raino.
Rating horiekin, LABORAL Kutxa nabarmendu egiten da Estatuko finantza-entitateen artean, batez ere bere tamaina kontuan izanda.