Kooperatibak

Arizmendi

Arizmendi Ikastolak eskaintza zabala du erdi eta goi mailako zikloetan hasi berri den ikasturtean

2014/09/08

Erdi mailako heziketa zikloetan, erizaintzaren laguntza osagarriak delako formazioa eskaintzen du eta goi mailako heziketa zikloetan, berriz, hiru hauek: Obra eta Planen burutzapena; Eraikuntza proiektuak; eta Gorputz eta kirol ekintzak sustatzea (TAFYD).

Gehiago irakurri

Arizmendi Ikastolaren Lanbide Heziketak XXI. mendeko etxebizitzaren gaineko jardunaldia egingo du maiatzaren 9an

2014/04/29

"XXI. mendeko etxebizitza" izeneko jardunaldien zortzigarren edizioa egingo da maiatzaren 9an. Bertan jorratuko den gai nagusia espazio industrialen, hiritarren edo landetakoen berreskurapena izango da. Gai hau gero eta indar gehiago ari da hartzen, bai erakundeetan, baita hiritarren artean ere.

Gehiago irakurri

Arizmendi Ikastolako hiru gazte Ankara Youth Forum egitasmoan izango dira otsailaren 20an

2014/02/18

Azken urteotan Arizmendi Ikastolak Europako Gazte Parlamentuan parte hartu du, eta aurten hirugarrenez egingo du. Lehiaketa honetan hainbat sailkapen frogatatik pasatu behar izaten dira parte-hartzaileak. Horietako lehenengoa Euskal Autonomia Erkidekoa izan ohi da, jarraian Espainiakoa eta azkenik, Europakoa edo nazioartekoa. Lehiaketan gazteek balizko parlamentu bat osatzen dute, eta talde bakoitzaren lana izan ohi da ponentzia bat aurkeztea eta defendatzea. %100 ingelesez. Aurten Ankaran egingo da, Turkian, otsailaren 20an.

Gehiago irakurri

Aurkeztu da Euspot 2014, euskarazko iragarkien lehiaketa

2014/02/03

EUSPOT, euskarazko iragarkien lehiaketaren hirugarren edizioa egingo da aurten. 2012an sortu zen, alor guztietan euskarazko sormena sustatzeko eta euskararen erabilera hedatzeko. Ostiralean aurkeztu zen hirugarren edizioak ‘pintxo potea eta euskara’ izango du ardatz, eta lanak maiatzera arte aurkeztu ahal izango dira. Aretxabaletako Udala, Mondragon Unibertsitatea eta Arteman Komunikazioa Koop. Elkartea dira lehiaketaren sustatzaileak.

Gehiago irakurri

EKI proiektu digitala ezagutzera etorri dira Hezkuntza Sailetik Arizmendi Ikastolara

2014/01/21

Hezkuntza Saileko hiru arduradun eta EHIko beste hiru ordezkari izan ziren atzo Arizmendi Ikastolako Gaztelupen, EKI digitalaren inplementazioa bertatik bertara ezagutzen. EKI, Ikastolen Elkarteak sortuta, konpetentzietan oinarrituta dagoen egitasmo bat da, eta integrazioaren pedagogian uztartua dago. Gainera, euskal curriculuma dauka abiapuntutzat. EKI hitzak bere baitan ditu proiektuaren hiru ardatz horiek: Euskal Curriculuma, Konpetentziak eta Integrazioaren pedagogia.

Gehiago irakurri

Arizmendi Ikastolak irabazi du `Gaztea Parody´ lehiaketa

2013/12/20

Ikastolak aurkeztu duen 'Feel this moment' bideoa izan da irabazlea GAZTEA Irratiak antolatzen duen "Gaztea Parody" lehiaketan. 2.000 euro lortu dituzte Arrasateko Arizmendi ikastolako ikasleek.

Gehiago irakurri

Arizmendiko lau talde First Lego Leagueko Euskadiko kanporaketan

2013/12/12

Arizmendi Ikastolako Batxilergoko talde batek eta DBHko laugarren mailako hiru taldek First Lego League txapelketako Euskadiko kanporaketa jokatuko dute larunbatean Zamudion, Euskaltelen egoitzan. Arizmendi Ikastolako ordezkariek laugarrenez hartuko dute parte prestigio handiko txapelketa honetan. Aurten, gainera, berrikuntzak ere egin dituzte. Iñaki Agirrebengoa irakasleak azaldu digunaren arabera, "DBHko laugarren mailako teknologia arloko ikasle guztiek garatu behar izan dute proiektua".

Gehiago irakurri

Arizmendi Ikastolak gabonetako emakumezkoen IX. futbol txapelketa aurkeztu du

2013/12/05

Txapelketa Aretxabaletako Ibarra futbol zelaian jokatuko da, abenduaren 30 eta 31an eta lau maila desberdinetan arituko dira: alebina, infantila, kadetea eta seniorra.

Gehiago irakurri

Aiton-amonei eskerrak emateko Gaztainerre Eguna ospatu dute Arizmendi Ikastolako Basabeazpi gunean

2013/11/28

Aiton-amonak omentzeko asmoz, Gaztainerre Eguna egin dute gaur goizean Arizmendi Ikastolako Basabeazpi gunean. Hotzari aurre egiteko balio izan dute gaztain erreak, danbolinaren su ondoan gustura izan dira guztiak ere. Eta urtero moduan, gaztaina goxoak eskaini dizkiete aiton-amonek bertaratutakoei. Haurrek, berriz, kantuan eskertu diete haiei eurengandik jasotzen duten guztia. Eskerrik asko, amama eta aitteitta!!

Gehiago irakurri

Arizmendi Ikastolak First Lego League txapelketako Euskadiko kanporaketara joateko taldeak aukeratu ditu gaur

2013/11/22

Arizmendi Ikastolak DBHko laugarren mailako 80 neska mutiko elkartu ditu gaur Garaia Berrikuntza Gunean, Ikerlanen egoitzan. Guztien asmoa, bakarra: First Lego Leagueko Euskadiko Txapelketan parte hartzea, abenduaren 14an, Zamudion. Barne kanporaketa egin dute Arizmendikoek, talde bakoitza bere robotarekin eta proiektu zientifikoarekin gerturatu da Ikerlanera, eta goiz osoan zehar lehia 'sanoa' nagusitu da gazteen artean.

Gehiago irakurri

Irakaskuntza

Helbidea
Larrin Plaza, 1 20550 Aretxabaleta
Telefonoa
+34 943 77 20 25
Web
http://www.arizmendi.eus
Eguraldia
Ostirala 10 Min: 11
Max: 24
Larunbata 11 Min: 12
Max: 21
Igandea 12 Min: 11
Max: 21
Bideoak


+ Bideo gehiago

Papereko edizioa
Jarraitu twitterren
LagunAro

Iradokizunak

iradokizunak