Irakurriena
- 1. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 2. Espainiako Bankuko gobernadoreak MONDRAGON bisitatu du
- 3. Errekak Darwin Biomed startuparekin bat egin du, Health linea bultzatzeko helburuarekin
- 4. Ingeniaritza eta Zerbitzuen Dibisioa Advanced Factories-en egongo da
- 5. Arizmendi ikastola, 20 urte
- 6. Parte-hartze handia LagunAro BGAEren 2024ko ohiko batzarrean
- 7. LKS Next Estatuko lehen 100 teknologikoen artean, 2023ko fakturazioaren arabera
- 8. Kooperatiben Korrikako argazki galeria ikusgai
- 9. Aldapako Korrika arrakastatsua
- 10. Laboral Kutxaren 'Zentzua' esperientzia, TU Lankideren gai nagusia
"Komunikabide arduratsuak eta herritar kritikoak" mintegia Aretxabaletako kanpusean
Bihar azaroaren 20an Komunikabide arduratsuak eta herritar kritikoak. Kontu-ematearen onarpena eta eraginkortasuna mintegia egingo da Humanitate eta Hezkuntza Zientzien Fakultateko Aretxabaletako campusean.
Mintegia Accountability y Culturas Periodísticas en España I+G+b ikerketa-proiektuan dago oinarrituta, eta bertan zazpi unibertsitatetako ikertzaileek (tartean MUkoek) hartu dute parte. Proiektuaren helburu nagusia da, batetik, antzematea Espainiako lurralde desberdinetan dauden kazetaritza kulturak, eta, bestetik, ikertzea zer kontu-emate tresna dagoen aztertutako erkidego bakoitzean.
Jardunaldia
Jardunaldia 9:00etan hasiko da. Lehen orduan hiru hitzaldi izango dira. Alde batetik, Euskal Herri osoan kontu-ematea zertan den azalduko dute Eneko Bidegain eta Aitor Zuberogoitia MUko irakasle eta ikertzaileek. Bestetik, Euskal Autonomia Erkidegoko kazetari, aditu eta herritarrek gaiaz zer dioten azalduko du Xavier Ramon Pompeu Fabra unibertsitateko ikertzaileak. Azkenik, Ramon berak etorkizunean proiektu honetako kideek baliatu nahi duten neurgailua aurkeztuko du. Neurgailu horrek neurtzen ditu hedabideen gardentasuna, autoerregulazioa eta herritarren parte-hartzerako eskainitako tresnak. Bigarren orduan, berriz, ikasleek eta bertaratutako profesionalek neurgailuari buruz dituzten iritziak bilduko dira.